It(em) vanden stote ende tweedrechticheit die opv(er)staen sijn tusschen / janne de smet en(de) m(ar)grieten ymbrechts sijne(n) wijve in deen zijde / arnde de decke(re) geheten de smet henricken lissien als momboren / lijsbette(n) en(de) beatrizenm ymbrechts hue(re)r wijve(n) in dande(re) alse / van eenre sekerd(er) somme(n) van gelde die de selve margriete / van wijlen m(ar)griete(n) huerer moed(er) gehave(n) soude hebben d(aer)aff / de selve arnt en(de) henrick beghe(re)n restitucie te hebben mids / zeke(re)n redenen oerspronck nemen(de) uut eene(n) testamente den voirs(creven) / p(er)soene(n) bij janne wijlen ymbrechts en(de) wijlen m(ar)griete sijne(n) / wijve vader ende moeder d(er) voirscr(even) lijsbette(n) beatrisen ende / m(ar)griete(n) gemaect sijnde (et)c(etera) Hebben hen de voirscr(even) p(er)soenen / vanden selve(n) stoote ende van des d(aer) aene cleve(n) mach gesubmit / teert ende verbonden in vrient yffene(re)n Te weten de voirscr(even)
//
jan ende sijn wijff in meester raese van heda ende meest(ere)n janne /calaber van wemelinghen ende de voirscr(even) arndt ende henrick / in meest(ere)n janne calaber ende gielijse van udekem in deser / vueghen dat de voirscr(even) p(ar)tijen ende elc van hen bynnen xiiii / nachte(n) naistcomen(de) den voirscr(even) vier segge(re)n sijn bescheit het / sij mette(n) monde oft and(er)sins opdoen en(de) bijbringhen sal Dwelck / alsoe geschiet sijnde sullen alsdan de selve seggers bynne(n) viii / daghen d(aer)nae d(aer) aff hue(re) uutsprake eendrechtichlijck seggen en(de) / p(ro)nu(n)cie(re)n op dat sijs . eens en(de) van eene(n) accorde sijn ende en / conne(n) sijs niet eens gewoerden soe sullen sij ter stont eene(n) ov(er)man / kiesen dien sij van allen den bescheide informe(re)n sulle(n) de welke / alsoe geinformeert sijnde sijn uutsprake d(aer) aff segghen sal / bynne(n) viii daghe(n) d(aer) naestvolgen(de) en(de) oft gebuerde dat e(n)nich / vanden voirscr(even) p(ar)tije(n) in sijne(n) seggher het wae(re) een oft / meer gebreck hadde soe mach hij in die stad een oft / meer nemen sond(er) argelist Geloven(de) beyde de voirscr(even) / p(ar)tije(n) vast en(de) gestedich te houden (et)c(etera) cor(am) lynt(re) dormale / julii ix /