Cond zij allen lieden dat collay vande(n) bossche wonen(de) te bossche / inde p(ro)chie van meilhem in jeg(ewoirdicheit) d(er) scepen(en) van loven(en) gestaen / heeft genome(n) en(de) bekint dat hij genome(n) heeft van vrancke(n) / van lichy wonen(de) te sinte trude(n) dwinhoff des vors(creven) vranx / gehete(n) thoff t(er) hofstad mette(n) wynnen(de) lande(n) d(aer) toe behoren(de) /[geleg(en) inde p(ro)chie va(n) meilhem] en(de) noch met iii dach(mael) beempts geleg(en) inde te meilhem [t(er) sluyse(n) in eene(n) stucke ald(aer)] / gelijk(er)wijs de(n) vors(creven) vrancke(n) de vors(creven) goede ald(aer) toebehoren(de) / sijn Te houde(n) te hebbe(n) en(de) te wynne(n) vn half m(er)the naestcomen(de) / eene(n) t(er)mijn van xii jae(re)n langc due(re)nde deen nae dand(er) / sond(er) middel volgen(de) Te wete(n) de ierste drie jae(re)n voe(r) en(de) / o(m)me eene(n) zeke(re)n prijs va(n) gelde d(aer) af de vors(creven) vrancke hem / vande(n) selve(n) collay bekint heeft genoech gesciet sijnde En(de) dand(er) / ix jae(re)n elx jaers dae(re)n bynne(n) voe(r) en(de) o(m)me xii gul(den) / schilde te xiiii stuv(er)s oft de weerde d(aer) voe(r) in ande(re)n goede(n) / gelde alle jae(re) sinte andriesmisse apostels te bet(alen) de(n) vors(creven) / vrancke(n) de(n) vors(creven) t(er)mijn due(re)nde q(u)[o](libet) ass(ecutu)[m] d(aer) af dierste / payeme(n)t sijn sall va(n) sinte andriesmisse apostels nu naestcomen(de) / ov(er) iiii jaer en(de) niet eer Opde vurwerde(n) en(de) (con)dicie(n) h(ier) nae / bescr(even) te wete(n) dat de vors(creven) collay de vors(creven) wynnen(de) lande / de(n) vors(creven) sijne(n) t(er)mijn due(re)nde ackere(n) en(de) besaye(n) sal gelijc sine(n) / regenoete(n) bove(n) en(de) benede(n) It(em) es noch vurwerde dat de / vors(creven) collay van alle(n) de(n) [allet] stroe jarlix vande(n) vors(creven) goede(n) comen(de) / inde(n) vors(creven) hove met sijne(n) beeste(n) ette(n) en(de) slite(n) sall en(de) d(aer) af / mest make(n) en(de) dat [jarlix] opt dlant vue(re)n tslants meeste(n) p(ro)fijte / It(em) sal de vors(creven) collay de vors(creven) huysinge vande(n) vors(creven) hove / sijne(n) t(er)mijn due(re)nde jarlix op sijne(n) cost houde(n) vand(er) ond(er)ster / rikele(n) ned(er)wert uutgenome(n) van nouwe(n) werke d(aer) af de vors(creven) / vrancke alleene den last drage(n) sall It(em) es noch vurwerde / oft de vors(creven) wynne aende vors(creven) huysi(n)ge bynne(n) de(n) ierste(n) iii / jae(re)n iet lee doet plecke(n) tymme(re)n oft decke(n) uutgenome(n) tgene / vand(er) ond(er)st(er) rikele(n) ned(er)wert dat sal de vors(creven) vrancke de(n) / vors(creven) wynne vande(n) ierste(n) pachte r afcorte(n) en(de) afslaen It(em) / es noch vurwerde dat de vors(creven) wynne de(n) vors(creven) vrancke(n) / bynne(n) de(n) leste(n) d ix jae(re)n alle jae(re) leve(re)n sal cc walme / vande(n) stroe vande(n) vors(creven) goede(n) comen(de) o(m)me de vors(creven) huysi(n)ge
//
mede te decke(n) en(de) so wa(n)neer men die(n) ald(aer) v(er)decke(n) sall d(aer) af / sal de selve vrancke de(n) werclude(n) huer [huer] dachue(re)n [bet(alen)] en(de) desgelijx / den montcost geve(n) It(em) sal de vors(creven) wynne den chijs / uutte(n) vors(creven) iii dach(mael) beempts jarlix gaende de jarlix te /

gedragen(e) t(er) so(m)me(n) toe van xxiiii stuv(er)s jarlix de(n) vors(creven) / sijne(n) t(er)mijn due(re)nde te behoerlike(n) tijde(n) gelde(n) en(de) bet(alingen) sall / alsoe dat des vors(creven) vranx goede d(aer) bij egeen scade lide(n) / en sulle(n) sond(er) de(n) selve(n) wynne dat va(n)de(n) vors(creven) jarlike(n) pachte / e(n)nige(n) afslach te doene [en(de) d(aer) voe(r) de vrome(n) vande(n) selve(n) jarlix trecke(n)] It(em) es noch vurwerde en(de) heeft /[dat] geloeft de vors(creven) vrancke de(n) vors(creven) collay dat hij hem de / vors(creven) goede de(n) vors(creven) t(er)mijn due(re)nde jarlix va(n) [alle(n)] laste en(de) va(n) / alle(n) bede(n) los en(de) vrij houde(n) [en(de) leve(re)n] sall opden vors(creven) pacht de(n) vors(creven) / vrancke(n) te bet(alen) It(em) es sal de vors(creven) vrancke de(n) vors(creven) / wynne va(n) sinte andriesmisse neestcomen(de) vo ov(er) v jae(re)n / geve(n) en(de) leve(re)n iii elle(n) lakens tot eene(n) tabbarde te wete(n) elc / elle van vi stuv(er)s It(em) al eest alsoe dat de vors(creven) wynne / tot sine(n) aencome(n) de vors(creven) wynnen(de) lande driesch bevonde(n) heeft / so eest nochta(n)vi nochta(n) vurwerde dat de vors(creven) wynne / tot sijne(n) afsceide(n) de(n) wynt(er)aert vande(n) selve(n) goede(n) besayt sal / late(n) met wint(er)coerne gelijc regenoete(n) en(de) so wes de selve /

wynne en(de) d(aer) af so sulle(n) hen de vors(creven) wynne t(er) eenre en(de) / de vors(creven) vrancke t(er) ande(re) elc van hen v(er)binde(n) in ii erdwi(n)ne(n) / die hen des v(er)staen en(de) te houden tgene tgene des de selve /

erdwi(n)ne(n) de(n) vors(creven) wynne d(aer) af toe segge(n) sulle(n) en(de) de(n) vors(creven) /

vrancke(n) d(aer) af af wise(n) en(de) desgelijx so wes [oec vande(n) ghene(n) des wynne] de selve ten selven sine(n) / afsceide opde selve goede meer gedaen en(de) gearbeit sal hebben / dan hij bevonde(n) heeft [opde selve] tot sijne(n) aencomen bevonde(n) heeft en(de) / alsd(an) te houden en(de) malcande(re)n te voldoene tgene des de selve [soe wes de selve] / erdwi(n)ne(n) d(aer) voe(r) de(n) vors(creven) wynne aent(er)mine(re)n en(de) toesegge aen /

t(er)mine(re)n en(de) de(n) vors(creven) vrancke(n) afsegge(n) sulle(n) voe(r) sine(n) arbeit / toeseggen en(de) ov(er) de(n) vors(creven) vrancke(n) aenwise(n) sulle(n) / It(em) es noch vurwerde oft de vors(creven) wynne oft katlijne / sijn wijff [oft e(n)nich va(n) hen] bynnen de(n) vors(creven) t(er)mijne aflivich wordt dat dan / t(er) stont de lanxte leven(de) van hen beiden uut den vors(creven) goeden
//
sulle(n) moge(n) sceide(n) niet op dat hen gelieft niet wed(er)staen(de) /de(n) t(er)mijn va(n) dat den t(er)mijn va(n) xii jae(re)n vors(creven) en(de) /

alsd(an) sulle(n) desgelijx te bliven Behoudelic dat de / vors(creven) vrancke t(er) eende(re) en(de) de vors(creven) v collay [inde(n) name va(n) hem selve(n) en(de) va(n) wege(n) sijns wijfs zide(n) va(n) dee(n) t(er) ande(r) zijde(n) hen va(n) des vors(creven) is verbinde(n) sulle(n) in erdwi(n)ne(n)] oft de lanxte /

t(er) ande(re) hen v(er)binde(n) sulle(n) in erdwi(n)ne(n) en(de) te houden en(de) / malcande(re)n te voldoene tgene des de selve erdwi(n)nen / d(aer) af deen den ande(re)n gelijc vors(creven) es toe en(de) afseggen sulle(n) / En(de) alle dese vurwerde(n) [gelufte(n) en(de) (con)dicie(n) vors(creven)] (et)c(etera) cor(am) ov(er)wynghe haze(n)b(er)ge / hasenb(er)ghe novembr(is) xv /