Tvonnisse tussche(n) agnesen moens weduwe wout(er)s wile(n) ghielijs/ in deen zijde en(de) laureyse droeghe die nae den rechte der/ stad van loeven(en) come(n) en(de) geleit is tot alle(n) de(n) goeden haeflike(n)/ goeden henrix wile(n) vande(n) kerchove in dande(re) alse vande(n)/ haeflike(n) goeden h(ier) nae bescr(even) Inden ierste(n) va(n) tween bedden/ met tween draeghbedden ii saerdgen vier paer slapelaken(en)/ ii scrijne(n) i scermpsel een rynne iiii ee(re)n potte(n) iiii mattelen/potten pa(n)nen iiii ketele(n) ii coeyen tflas va(n) i halst(er) lijnsaets/ eene dossine cussen(en) eene(n) hael en(de) van meer and(ere)n huysrade/ inden rechte gelesen sijnde Van welke(n) goeden de vors(creven) laur(eys)/ versochte in sijnen vors(creven) beleide gehouden te wesen en(de) hem/ die te doen volghen D(aer) op de vors(creven) agnese een aen/ sprake dede seggende dat de vors(creven) laureys met dien/ beleyde aen die namelike have have verdoelt ware/ Want wel is wair dat de selve agnese nae staet der/ heilig(er) kerken den vors(creven) wout(ere)n getrout hadde welke woute(r)/ en(de) sij tsamen in hue(re)n geheelen stoele de selve have met/ meer and(ere)n goeden vercregen en(de) die tsame(n) beseten hebben uut/ den welke(n) de vors(creven) wout(er) gestorven is Ende al wart soe dat/ de vors(creven) laur(eys) tot des vors(creven) henrix have geleidt is dat en/ scout in hue(re)n wech niet volge d(aer) mede des vors(creven) henrix/ have tallen mynnen moeten hem die worde M(er) hoepte/ ten uut(er)sten de vors(creven) agnese dat de vors(creven) laur(eys) met sine(n)/ beleide aen hue(re) goede die sij alsoe met hue(re)n vors(creven) man/ vercregen hadde met allen verdoelt wae(re) nae de waerh(eit)
//
die sij hier d(aer) af v(er)mat En(de) alsoe so bliket oppenbair dat de vors(creven)/

have vandes vors(creven) henrix weghen van boven neer comen sijn/ Op dwelc de vors(creven) laur(eys) met sinen gelev(er)den voirsprake hem/ verantwerde seggen(de) dat hem en(de) sinen beleide die aensp(ra)ke/ egeen ontstade doen en sal noch d(er) vors(creven) agnesen scade gemerct/ dat de vors(creven) henric vanden kerchove en(de) katline sdroegen sijn/ wijff sust(er) des vors(creven) laureys de vors(creven) have binnen hue(re)n/ levenden live besaten alse hue(re) p(ro)per goede en(de) dat de selve/ henric d(aer) uut gestorven is Welke katline nae dat si den/ vors(creven) henr(icke) hue(re)n man alsoe ov(er)leeft hadde den vors(creven) wout(ere)n/ ghielijs nae staet d(er) heilig(er) kercken troude en(de) met hem de/ selve have brachte en(de) die hue(re)n duerdach besat Welke/ wout(er) nae doet der selver katlinen nae staet d(er) heiliger/ kerken mett(er) vors(creven) agnesen v(er)gaderde en(de) tsamen de vors(creven)/ goede beseten hebben [en(de) alsoe so bliket oppe(n)bair dat de vors(creven) have va(n) des vors(creven) he(n)ricx wegen va(n) bove(n) neer come(n) is] Hoepte ten slote de vors(creven) laur(eys)/ wair hij de vors(creven) pointen gethoenen coste dat hem ende/ sinen beleide de vors(creven) have volgen sal nae de waerh(eit)/ die hij d(aer) af bij leit Totten welken de selve laur(eys) biden/ h(ere)n scepen(en) gewijst w(er)t En(de) ten dage d(aer) toe dienen(de) de/ selve laur(eys) sijns thoenis niet en volquam gelijc hij hem/ dies v(er)meten hadde Was d(aer) om voirts met desen worden/ gewijst nae aensp(ra)ke antwerde(n) en(de) thonisse dat de vors(creven) laur(eys)/ met sine(n) beleide aende vors(creven) have verdoelt is p(rese)nt(ibus)/ om(n)ib[(us)] scab(in)is ex(cep)[to] abs(oloens) no(vem)[br(is)] xxiiii/