It(em) Tvonnisse tusschen janne goerts aenlegge(re) in deen zide en(de) weyne sterx/ in dande(re) alse van eenen stucke wijns houden(de) iii amen alsoe de vors(creven) wein/ meynde M(aer) alsoe de vors(creven) jan goerts meynde houden(de) iii(½) amen en(de) v steken welc/ surpl(us) boven de drie ame(n) de selve jan beg(er)de en(de) versochte van weyne/ hem bet(aelt) te worden(e) Bieden(de) te thoene(n) dat tselve vat d(aer) de(n) vors(creven) wijn inne/ was hielt iii(½) ame(n) en(de) v steeken gelijc vors(creven) steet mette(n) steke(re) met jacoppe(n)/ uute(n) liemi(n)gen als doen burg(er)meest(er) en(de) mette(n) geswore(n) stekere En(de) nae dien/ dat de selve jan d(aer) toe dach genoeme(n) hadde en(de) tot dien dage niet en/ thoende Soe es de vors(creven) wein met vo(n)nisse d(er) scep(enen) gewese(n) vand(er) vors(creven)/ aensp(ra)ke(n) ongehoude(n) te sijne cor(am) m(ichaele) abs(oloens) witte jud(oco) abs(oloens) willem(air) m(ar)tii xxiii/