It(em) bertelmeeus smissman woenen(de) op de veschmerct te loeven(en)/ in p(rese)nc(ia) heeft genome(n) en(de) bekindt dat hij genome(n) heeft/ van henricken van ee(re)nboudeghem de helicht vanden goede(n)/ h(ier) nae bescreve(n) den selve(n) henricke(n) toebehoeren(de) Te weten/ inden iersten de helicht van eene(n) boende(r) beempts luttel min/ oft meer geleghen aen inde loevene(re)nbeempde d(aer)aff dat/ dand(er) helicht janne van ee(re)nboudeghem toebehoirt tussche/ tusschen de goede jans gielijs in deen zijde en(de) de goede/ jans schrieckman in dande(re) zijde It(em) de helicht van/ eene(n) boend(er) stucke beempts gelijc dat al daer geleghe(n)/ is tusschen de goede peet(er)s wijlen de mol in deen zijde
//
en(de) de goede des voirs(creven) henrix in dande(re) zijde Te/ houden te hebben en(de) te wynnen van kersmisse lest/ leden eene(n) t(er)mijn van drie ja(re)n lanck deen nae dand(er)/ stappans sond(er) middel volghen(de) Elx jaers da(re)n bynne(n)/ o(m)me en(de) voe(r) v rinsche gulden(en) van goude goet en(de)/ ghinghe te xix stuv(er)s en(de) iiii gulden peet(er)s d(er) mu(n)te(n)/ ons gened(ichs) h(ere)n ts(er)toghe(n) van bourg(oign)[en] en(de) van brabant/ alle jare te kersmisse te betalen den voirs(creven) henricke(n)/ den voirs(creven) t(er)mijn due(re)nde en(de) telken t(er)mijne als v(er)volghde/ schout cor(am) velpe wynghe augusti xiiii/