Item henrick van horenbeke wonen(de) te steenhuffle heeft geloeft clase/ vanden eede tusschen dit en(de) belokene(n) paessche(n) nu neestcomen(de) te comen/ voir de wet van steenhuffle ende alsdan ald(aer) nae d(er) bancken recht/ wael ende loflic te verpanden ende te bewijsen eene(n) peet(er) lijfpensien/ ten live henrix en(de) m(ar)griete(n) van horenbeke kinde(re)n henrix wilen/ van horenbeke en(de) ten live van hen beiden lanxt leven(de) alle jae(re)/ te kersavonde te bet(alen) aen en(de) op zeeke(re) goede en(de) ond(er)pande geleg(en)/ te steenhuffle die weert sijn zullen boven alle co(m)mer en(de) last/ d(aer) voe(r) uutgaende eene(n) peet(er) erflic welken peet(er) de selve henrick/ sal mogen quite(n) ende lossen alst hem gelieve(n) sall met x peet(er)s/ gelik(er) ende met vollen rente(n) In welke lijfpensie katline moed(er)/ d(er) voirs(creven) kinde(re)n huer leefdaghe lancg due(re)nde huer heffen/ hebben ende behouden sall ende dat ten coste des gheens die/ dair inne nae d(er) bancken recht bevonden sall worden gehouden/ te sijne [oft den selve(n) peet(er) af te leggen met alsoe pe(n)ni(n)gen als vors(creven) steet dwelc de(n) selve(n) henr(icke) va(n) beiden best gelieve(n) sal te doene] Geloven(de) alnoch de selve henric van horenbeke den/ voirs(creven) clase tusschen dit ende sint jansmisse naestcomen(de) te/ bet(alen) iii peet(er)s mo(ne)[te] d(omi)ni ph(ilip)i duc(is) ass(ecutu)[m] Et t(antu)m En(de) oft h(ier) inne/ enich gebrec geviele soe heeft geloeft peet(er) de raet die geleit/ is nae d(er) stad recht van loven(en) tot allen den goeden have
//
ende erve des voirs(creven) henrix van horenbeke bij oppenbae(re)n/(con)sente des selfs henrix den voirs(creven) clase metten selven/ beleide [opde selve goede beide have en(de) erve] also verre de goede des voirs(creven) henrix strecke(n) sullen/ ende hem dat mogelic sall sijn van doene te behulpen/ dat dat gescie(n) sall en(de) voldaen worden sonder cost des/ voirs(creven) peet(er)s tot welken meyni(n)gen tselve beleyt onder/ scepen(en) van loven(en) sall bliven liggen(de) tot behoef des vors(creven) peet(er)s/ cor(am) naen winge m(ar)tii t(erti)[a]/