SAL8123, Act: V°260.1 (327 of 594)
Search Act
previous | next
Act V°260.1  
Act
Date: 1452-08-12

Transcription

2020-01-08 by Jos Jonckheer
It(em) want wout(er) geheete(n) witte(n) jan de witte sone wile(n) wout(er)s meest(er)/
wout(er) van beetse alse man en(de) momboir katlijne(n) switte(n) sijns wijfs/
docht(er) des vors(creven) wile(n) wout(er)s en(de) henric pichoes als momboer lijsbette(n)/
switte(n) sijns wijfs oec docht(er) des vors(creven) wile(n) wout(er)s Welke wile(n) wout(er)/
geleit was totte(n) goede(n) machiels witte(n) sijns neve(n) hadde(n) doen inne/
scrive(n) op hede(n) als opde(n) dach va(n) rechte henricke bone(n) die hen/
ongebr(uyck) dede aen dachtste deel va(n) i boenre lants geleg(en) in/
macke(n)broek d(aer) ja(n) de custe(re) de seve(n)deel afhouden(de) is It(em) aen (½)/
boender beempts geleg(en) inde boeckdonc tussce(n) de kinde(re) machiels/
vos in deen zijde en(de) de nethe in dande(re) It(em) ain [aen] i clein bosschel/
ke(n) en(de) stuc lants houden(de) i(½) dach(mael) henric van orshage(n) in deen/
zijde jacop baecx op dande(re) It(em) noch aen x pl(a)c(ken) erfchijs/
aen en(de) op zeke(re) goede des selfs henrix bonen inde p(ro)chie van/
wuestmeerbeke geleg(en) Tot welke(n) dage va(n) rechte de/
vors(creven) henric niet comen en is den vors(creven) p(er)soene(n) hue(re)n/
dach v(er)wachten(de) Soe hebbe(n) de h(ere)n scep(enen) va(n) lov(en) t(er) manisse(n)/
smeyers gewijst voer een vo(n)nisse datme(n) de(n) vors(creven) p(er)soene(n)/
vande(n) vors(creven) goede(n) houde(n) sal in hue(re)n vors(creven) beleide also v(er)re/
alst noch voir hen come(n) es cor(am) py(n)noc roelofs roelofs/
tymple naen velpe winge aug(usti) xii
ContributorsInge Moris , Agata Dierick
Moderated bykristiaan magnus
Last update: 2013-07-31 by Jos Jonckheer