Den vors(creven) drie p(er)soenen geleit sijnde tot allen den goeden des vors(creven) claes/ sulle(n) beide schoutbrief en(de) beleitbrief ond(er) scepen(en) bliven liggen(de) te dien/ eynde oft de vors(creven) claes die dwinhof di met zeke(re)n landen d(aer) toe behoren(de)/tegen den p(ri)oer van bierbeke [toebehoren(de) den p(ri)oer va(n) bierbeke tege(n) de(n) selve(n) p(ri)oer] eenen t(er)mijn van jae(re)n in pechtingen/ genome(n) heeft te bierbeke en(de) d(aer) omtrent geleg(en) v [gelijc de vurwerde(n) d(aer) af sijnde volcomelic inhoude(n) en(de) beg(ri)pe(n)] ten selve(n) hee(re) wert/ uut ocsuyne van dien enichsins in gebreke wae(re) het wae(re) inder betali(n)ge(n)/ vande(n) pachte oft va(n) enige(n) vurwerde(n) vande(n) selven dat dan de vors(creven) drie/ beleide den vors(creven) mijne(n) hee(re) mette(n) selve(n) beleide tot sijnd(er) manisse(n) alle/ behulp va(n) rechte [alsoe v(er)re dat in hen sal sijn] sulle(n) doen en(de) gescieden opde goede des vors(creven) claes/ dat de selve m(ijn) hee(re) d(aer) af v(er)nueght en(de) (con)tent sijn sall [geconte(n)teert] sijn sall dwelc/ de vors(creven) geleide de(n) selve(n) m(ijn) hee(re) alsoe geloeft en(de) toegeseet hebbe(n) te/ doene Behoud(elic) in die(n) oft de vors(creven) claes sijn goede behoefde bescudt/ te hebben dat sij hem dat doen sulle(n) eve(n) v(er)re dat die vorderi(n)ge/ niet en gesciede in (contra)rien des vors(creven) m(ijn) h(ere)n sprioers welke vorderi(n)gen/ van rechte alle gescieden sullen ten coste [en(de) laste] der vors(creven) goeden dwelc/ de vors(creven) claes den vors(creven) geleiden alsoe geoerloft en(de) bevole(n) heeft/ gedaen te worden [En(de) ten eynde vander] welke pechti(n)gen voldaen sijnde salmen den vors(creven)/ clase tvors(creven) beleit mette(n) scoutbrieve wed(er)geven sond(er) argelist cor(am)/ eisd(em)/