It(em) Nae dien dat margriete uut(er) helicht voir meye(r) en(de) scepen(en) van lov(en)/ te rechte getoghen hadde pete(re)n saerters van zittert en(de) tot hem/ weert een aensprake dede te weten(e) dat de selve peet(er) d(er) selv(er)/ m(ar)griete(n) hadde doen slaen stooten en(de) int slijck worpen en(de) alsoe/ doen meshandelen dat huer ii rebben gebroken wa(re)n Bieden(de)/ dat te thoene(n) en(de) bij te bringhen mette(n) minsten etc(etera) hopen(de) waer/ sij dat gethoene(n) conste dat [hij] huer dat bete(re)n soude met eene(n)/ weghe te roeme(n) oft met alsulk(er) beternissen als de h(ere)n scepen(en)/ wijssen soude(n) etc(etera) daer op de voirscr(even) peet(er) antwoerde/ want de selve m(ar)griete nerghens en biet te thoene(n) nocht oick/ huer en vermet dat de voirscr(even) peet(er) e(n)nichsins aen huer/ handadich geweest hadde gelijc hij oick ind(er) waerheit niet/ en heeft geweest Soe hoept hij dat dat een ijdell aen/ sprake is en(de) dat hij vand(er) selv(er) aenspraken ongehouden/ sal sijn gemerct oec mede dat de selve m(ar)griete van huer(er)/ mesdaet beternisse ontfanghen heeft vanden gheenen/ die huer dat gedaen mochten hebben soe hebben de h(ere)n/ scepen(en) van loeven(en) gewijst voir een vo(n)nisse dat de voirscr(even)/ peet(er) ongehouden sall sijn vand(er) aenspraken die de voirs(creven)/ m(ar)griete te hemweert gedaen heeft cor(am) m(ichaele) abs(oloens) witte/ f(ilio) q(uon)d(am) fr(anconis) jud(oco) abs(oloens) wynghe willem(air) colonia januarii/ xv/