It(em) Cond zij allen lieden dat reyne(re) h(er)naelsteens van ov(er)ijssche in p(rese)nc(ia)/ heeft genomen ende bekindt dat hij genome(n) heeft van janne van/ chynnoet dwinhoff des selfs jans geleghe(n) t(er) saert inde p(ro)chie va(n)/ grave(n) mette(n) huysen hoven wynnen(de) landen beemden en(de) eeusselen en(de)/ allen sijnen toebehoirten mette(n) wynnen(de) lande(n) gehete(n) tgasthuys/ lant van wave(re) en(de) onsser vrouwe(n) lant die de selve jan in pechtinge(n)/ genomen heeft gelijckerwijs de voirs(creven) jan den voirs(creven) reyne(re)n de/ voirscr(even) goede ald(aer) bewesen heeft Te houden te hebben ende te/ wynnen van halff m(er)the lestleden eene(n) t(er)mijn van iiii ja(re)n/ langc due(re)nde deen nae dand(er) etc(etera) Elx jaers dae(re)n bynnen/ te weten de wynnen(de) lande voe(r) en(de) o(m)me de helicht vanden/ vruchten d(aer) op jaerlijx wassende die de voirscr(even) wynne en(de) jan/ alt(oes) ten behoirlijken tijden halff en(de) halff hebben en(de) deylen/ sulle(n) en(de) die op huer(er) beyder gemeynd(er) cost ter eerden leve(re)n d(aer)aff/ de voirs(creven) wynne des voirs(creven) jans gedeelte ten behoirlijken tijde(n)/ jaerlijx den voirscr(even) t(er)mijn due(re)nde den selve(n) janne in sijn schue(re)/ staende t(er) saert leve(re)n sall ten coste des selfs wynnen It(em) de/ voirscr(even) wynne sall de voirs(creven) goede wynne(n) en(de) werven sijne(n)/ t(er)mijn due(re)nde gelijc reengenoete(n) boven en(de) benede(n) It(em) is/ voirw(er)de dat de voirs(creven) wynne den voirs(creven) t(er)mijn due(re)nde/ allet stroe en(de) caff comen(de) vande(n) gedeelte des voirs(creven) jans/ hebben sall uutgenome(n) i(½)[c] schoeve(n) stroes daer aff die/ den voirscr(even) janne jaerlijx toebehoe(re)n sulle(n) It(em) sall de voirscr(even)/ wynne allet stroe vande(n) geheele(n) goeden jaerlijx comen(de) met sijnen/ beesten inden voirscr(even) hove etten en(de) slijten en(de) d(aer)aff mest maken en(de)/ dat jaerlijx vue(re)n opde voirscr(even) lande tot hue(re)n meeste(n) p(ro)fijte/ It(em) is voirw(er)de dat de voirscr(even) wynne alle de heyde die de/ voirs(creven) jan jaerlijx omtrint t(er) saert sall doen mayen vue(re)n sall/ inden voirscr(even) hove sond(er) last des voirscr(even) jans en(de) d(aer)aff mest/ maken ende dat wed(er)om leve(re)n en(de) uutvue(re)n opde selve goede
//
oeck tot hue(re)n meeste(n) p(ro)fijte It(em) sal de voirscr(even) wynne den rogghen/ aert vanden selve(n) goeden tot sijne(n) afscheide(n) laten besayt [wael en(de) loflic] op iiii/ voe(re)n en(de) alle dande(re) lande beyde stortte en(de) brake totte(n) selve(n)/ sijne(n) afscheide(n) eens o(m)me gedaen en(de) alsd(an) oec [dmest] uutvue(re)n uute(n) voirs(creven)/ hove opde voirscr(even) lande It(em) sal de voirscr(even) wynne de beesten/ des voirscr(even) jans mette(n) sijne(n) hueden te bossche en(de) te heyden/ sond(er) last des voirs(creven) jans Ende de voirs(creven) beemde en(de) eeussele/ o(m)me en(de) voe(r) vii mudden rogs d(er) maten van wave(re) goet ende/ payabel te weten xii molevate(n) rogs voer elc mudde voirs(creven)/ gerekent alle jare sinte andriesmisse m(er)thensmisse inden wint(er)/ te betalen en(de) ter saert te leve(re)n den voirscr(even) janne den voirs(creven)/ t(er)mijn due(re)nde q(u)[o]libet ass(ecutu)[m] dierste betalinghe inne te gane/ s(in)[te] m(er)tensmisse nu naestcomen(de) It(em) is voirw(er)de dat de/ voirs(creven) wynne jaerlijx den voirscr(even) t(er)mijn due(re)nde den voirs(creven)/ janne in sijn schue(re) ter saert inne vue(re)n sall sijn thiende(n) die/ hij van div(er)sen p(er)soene(n) ald(aer) gecome(n) genome(n) heeft en(de) desgelijx/ sijn hoy en(de) sijn beerhout van sijne(n) goede(n) ter saert geleghen/ sond(er) cost des voirscr(even) jans cor(am) roelofs roelofs augusti viii/