It(em) jan paeps van blaersbroeck jan woutiers peeter/ ty(m)mermans en(de) willem vanden spoelb(er)ge alle uut(er)/ p(ro)chien van werchte(re) en(de) jan gorijs woenen(de) te baerle/ inde p(ro)chie van arschot in p(rese)ncia hebben genomen/ en(de) bekint dat sij genome(n) hebben vande(n) eerw(er)digen/ vad(er) in gode den abdt van vileer eene(n) beempt/ geheete(n) dblaersbroeck gelegen ind(er) p(ro)chien va(n) werchte(re)/ te houden en(de) te hebben(e) van halfm(er)the lestleden/ eene(n) t(er)min van vi jae(re)n lang due(re)nde deen nae/ dand(er) sond(er) middel volgen(de) Elcx jaers dae(re)n bynne(n)/ voe(r) en(de) o(m)me xli gulden(en) rinsche of de w(er)de/ dair af in ande(re)n goeden gelde alle s jae(re)
//
sinte m(er)tens misse vallen(de) en(de) ombegrepen te/ lichtmisse te betalen(e) den voirg(enoemde) abdt oft hee(re)n/ henricken bovens en(de) h(er) vrancken calab(er) religioese/ des voirg(eruerde) goidsh(uys) aut alt(er)i q(uolibet) ass(ecutu)[m] met sulk(er)/ voirw(er)den dat de voirs(creven) p(er)soene den voirs(creven) beempt/ sullen mogen scoren en(de) besayen alle jae(re) uutgesceide(n)/ ten lesten jae(re) vanden voirs(creven) t(er)mijne den welke(n)/ sij alsdan geheel en(de) ombesaeyt sullen moeten laten/ En(de) oick met voirw(er)den dat sij de grecht vande(n)/ voirs(creven) beemde op hue(re)n cost sullen uutgrave(n) en(de) vagen/ wael en(de) loflick op hue(re) ouden bodem En(de) sullen(de)/ oick alle de poeten die den voirs(creven) abdt gelieve(n) sal/ te coepen(e) halen ter plaetssen d(aer) die gecocht sulle(n)/ wese(n) en(de) die op hue(re)n cost plante(n) opde frontieren/ vanden beemde voirg(eruert) en(de) die wael verdoirnen/en(de) wassende houden It(em) oft met gemeyne(n) geboden gevolen/ wordden de ryvieren te vegen(e) soe sullen sij dat doen op/ cost vanden godshuyse voirscr(even) also verre dat aencleeft/ den voirscr(even) beempde cor(am) wynge colonia sept(embris) vi/