It(em) want stoot en(de) twist opv(er)staen en(de) verresen sijn tusschen henricke van goetsen/ hove(n) ty(m)merma(n) in deen zijde en(de) goert de molde(re) gehete(n) de neve oec ty(m)merma(n)/ in dand(er) zijde alse van zeke(re) ty(m)merhoute dat sij zeke(re) p(ar)tije(n) sculdich wa(re)n/ te leve(re)n bynne(n) d(er) stad van antwerpe(n) en(de) vande(n) zu surplus vand(er) selv(er)/ desgelijx vande(n) wettighe(n) coste(n) d(aer)uut gesproten en(de) voert aen van alle(n)/ and(ere)n stoete(n) eysschinghe(n) en(de) twisten hoe danich die sijn moeghen die/ de voirs(creven) p(ar)tijen deen teghen den and(ere)n tot opde(n) dach [toe] van heden/ uutstaende moeghe(n) hebbe(n) in wat manie(re)n dat dat wae(re) hebben he(n)/ de voirscr(even) p(ar)tijen vande(n) selve(n) stoote en(de) van all des daer aen cleve(n)/ mach gekeert gesubmitteert en(de) verbonde(n) in segge(re)n en(de) vrintlijc/ yffeneren Te wete(n) de voirscr(even) henrick in henricke van loeven(en)/ en(de) janne tierens den jonghen en(de) de voirscr(even) goert in wille(m)me vand(er)/ balct en(de) in roelove van gheele Op alsulke(n) vuege dat de voirs(creven)/ segge(re)n tierst volcome(n) informacie hebben van beyde(n) p(ar)tie(n) huer/ uutsprake d(aer) doen sulle(n) eendrechtichlijc tussche(n) dit en(de) avont mett(er)/ sonne(n) op alsoe waert dat yemants segghe(re) gebrake dat hij in/ die stad eene(n) and(ere)n gelijken kiesen sall mach promitt(entes) rat(um) cor(am)/ god(efrido) roelofs wynghe febr(uarii) vi[ta]/