Van h(er)willem edelhe(re)/ It(em) want hee(re) wilhem edelhe(re) prieste(re) gevonnist heeft zeke(re) scepen(en) brieve van/ lov(en) als van gelufte(n) van ghenoech doene van der helcht van ix i dach(mael)/ soe lants soe eusels gelege(n) inde p(ro)chie van erpse op velt geheten herixhem/ tussche(n) de helcht der selver goeden in deen zijde toebehoren(de) gielijs den/ decke(re) en(de) ka(tli)[ne(n)] sijne(n) wive en(de) die goede peters van quaderebbe in deen zijde/ en(de) die goede cloesters vander came(re)n in da(n)de(re) comen(de) mette(n) eynde aende/ strate gehete(n) g strijbeem stribeemdest(ra)te in da(n)de(re) te weten(e) van dier helcht/ die gelegen es tot ev(er)sberge w(er)t Op janne beetse die hem die voirscr(even)/ geluften gedaen hadde En(de) tvo(n)nisse der scepen(en) van lov(en) gewijst hadde/ datmen der p(ar)tien dach soude doen van rechte En(de) de selve h(er)wille(m)/ acht(er)volgen(de) dien vo(n)nisse(n) den voirscr(even) ja(n)ne beetse met rechte hadde/ doen dach bescheyden op heden voir meye(r) en(de) scepen(en) van lov(en)/ Aldaer de selve jan niet come(n) en es So hebbe(n) de hee(re)n/ scepen(en) van lov(en) gewijst voir een vo(n)nisse so waer de voirscr(even) jan/ dat die selve jan gehoude(n) sal sijn aen den voirscr(even) h(er)wille(m)me/ die voirscr(even) gelufte(n) van genoech doene te voldoene van alsoe v(er)re/ hij in ghebreke es Cor(am) py(n)nock god(efri)[do] roelofs lu(dovi)[co] roelofs tymple/wing velpe winge febr(uarii) viii[a]/