It(em) de voirs(creven) bernaert van keerberghe(n) in p(rese)ncia heeft geloeft den voirs(creven)/ augustijne coreken en(de) lijsbette(n) sijne(n) wijve als van x rijders/ lijftochte(n) staende ten live augustijns en(de) lijsbetten voirs(creven) daer inne/ henric van zwertgoer en(de) jan sijn sone met scepen(en) brieve(n) van/ loeven(en) gedateert neghen daghe inde maent van meye int jair/ van lii verbonde(n) sijn en(de) d(aer) inne de selve bernaert sijn heffen/inne behoude(n) heeft niet wed(er)staende dat die x rijd(er)s den voirs(creven)/ augustijne en(de) sijne(n) wijve mids huwelijker voirw(er)den toebehoe(re)n
//
dat hij ter manissen des selfs augustijns trecht van dien brieve sall/ volghen Ende den jaerlijken pacht altijt hen sal doen volghen ten/ tijden alsdien valle(n) en(de) verschijne(n) sall Ende oft die x rijders/ bewijst oft afgeleeght wordde(n) dat de selve bernaert d(aer) inne/ sijn heffen sall moghen behoude(n) altijt op alsoe datte(n) voirscr(even)/ gehuysschen de(n) jaerlijke(n) pacht volghen sall en(de) sculdich sijn te/ volghene niet wed(er)staende der p(er)cepcien bernaerts voirscr(even) en(de)/ nae de doot des selfs bernaerts die voirs(creven) lijftochte die nu bebrieft/ is oft namaels in bewijssenisse oft [op] and(ere)n borghen bebrieft sall/ wordde(n) sall volghen den voirs(creven) gehuyssche(n) sond(er) yemants weder/ segghen cor(am) god(efrido) roelofs velpe aprilis xxiii/