It(em) katline wed(uwe) willems wile(n) puttema(n) in p(rese)nc(ia) heeft v(er)huert/ ende bekint dat sij verhuert janne va(n) winxele een bloc wijng(ar)ts/[geleg(en) te winxele] gecome(n) uutde(n) oude(n)hove henrix va(n) winxele ald(aer) geleg(en) regenoet/ de strate ald(aer) en(de) tvelt gehete(n) den bodem Te houde(n) en(de) te hebbe(n) va(n)/ ald(er)heilegemisse lest lede(n) eene(n) t(er)mijn van xii jae(re)n lang due(re)nde deen/ nae dand(er) etc(etera) Elx jaers dae(re)n bynne(n) voe(r) en(de) o(m)me i gul(den) rijd(er) d(er) [opde(n) co(m)m(er) d(aer) voe(r) uut gaen(de) te(n) behoirlike(n) tid(en) te bet(alen) en(de) dae(re)n bove(n) op eene(n) gul(den) rijder d(er)]/ mu(n)ten ons gened(ichs) ts(er)toge(n) alle jae(re) tot alreheilegemisse vallen(de) d(aer) af/ de vors(creven) katlijne vand(er) hueri(n)ge(n) vande(n) geheele(n) t(er)mijne vors(creven) huer bekint/ heeft geheelic en(de) al volgesciet sijnde den selve(n) ja(n)ne d(aer) af volcomelic/ quijtscelden(de) liemi(n)gen jud(oco) abs(oloens) dec(embris) vii/