It(em) wij henrick van linte(re) en(de) loduwijck vanden meersberge scepen(en) te lov(en) doen cont/ ene(n) yegelike(n) die dese onse l(ette)ren sullen zien oft hoe(re)n lesen dat jan madea zone wile(n)/ blasii in p(rese)ncien van ons scepen(en) voirscr(even) in sijne(n) p(ro)p(er)en p(er)soen v(er)schynen(de) en(de) (com)pare(ren)de/ yerst met goeder voirdachticheyt rypeliken beraden sijnde heeft gekynt ende/ geleden oppe(n)bairlike(n) voir hem selve(n) en(de) voir blasio wile(n) in sijne(n) zone [die] in sijne(n)/ brode aflivich sijnde [wordden es] en(de) oic voir sijne oiren erfgename(n) en(de) nacomeli(n)gen tot orbae(re)/ en(de) p(ro)fijte bertholomeeus madea en(de) des selfs b(er)tholomeeus erfgename(n) en(de) naco/ melinge(n) dat die selve b(er)tholomeeus van wegen sijns selfs en(de) van wegen/ jans wile(n) madea sijns brueders den selve(n) ja(n)ne madea volcomelike(n) v(er)nuegt [en(de)] voldaen/ heeft van alle(n) alsulke(n) gedeelte porcie en(de) alle int(er)est rechten actien ende/ aenspraken daer aen cleven(de) als den voirscr(even) ja(n)ne madea zone wile(n) blasii oft blasio/ wijle(n) sijne(n) zone toebehoirt heeft oft als sij gehadt hebbe(n) oft hebben oft hebbe(n)/ mochte(n) inde goede vande(n) lombarde(n) huyse inder stadt van love(n) gelege(n) beyde in have/ en(de) in erve(n) en(de) anders sins hoedanich oft van wat natue(re)n die sijn mogen oft/ genoempt moge(n) wordde(n) uut titule oft machte van eenre v(er)copingen die jan/ wile(n) madea jorijs zone den voirscr(even) ja(n)ne madea zone wile(n) blasii en(de) wilen blasio/ sijne(n) sone gedaen mach hebbe(n) voir meest(er) clase wendelen als no(ta)rijs oft ande(re)n/ no(ta)rijsen richte(re)n oft wethoude(re)n inden jare van xxxviii xxix dage in januario/ oft in enige(n) ande(re)n tijden voir oft na den voirscr(even) ja(er)e van xxxviii oft die hen oic/ toebehoren mochte(n) uut enige(n) ande(re)n zaken of [oft] titule in enig(er) maniere(n) het sij dat die/ voirscr(even) b(er)tho(lome)[eus] van wegen sijns selfs oft van wegen jans wilen sijns brueders/ tot ja(n)ne w(er)t voirscr(even) gehoude(n) mocht sijn uut causen oft ocsuyne van enigher/ hanteringe(n) bewinde r(e)gime(n)te opbueringe(n) van ghelde van juwele(n) oft ande(re)n/ goeden die jan wile(n) madea jorijs sone als hij leefde voir den ja(er)e van xxxviii/ voirscr(even) oft na tot dage toe van sijnre doot oft oic die voirscr(even) bertholomeeus/ voir oft na den voirscr(even) tijde bijde(n) leve(n)ne jans sijns brueders voirscr(even) oft na die/ doot van hem tot op de(n) [dach] toe van heden gehave(n) opgebuert oft enichsins/onderwo(n)ne(n) onderwonde(n) mochte(n) hebbe(n) same(n)like(n) oft byzundert vande(n)/ goede(n) oft gedeelte recht oft int(er)est daer aen cleven(de) die de(n) voirscr(even) ja(n)ne/ madea zone wile(n) blasii oft blasio wile(n) sijne(n) zone inde(n) voirscr(even) huyse voir oft/ na den voirscr(even) jae(re) van xxxviii oft oic voir oft na die doot des voirscr(even) wile(n)/ jans madea toebehoirt hebbe(n) toebehore(n) oft toebehore(n) mochten mitds den zake(n)/ voirscr(even) oft mitds enige(n) ande(re)n zake(n) oft titule in enig(er) manieren het sij doec/ dat dat sij uut enige(n) ande(re)n zake(n) oft ocsuyne hoedanich die(n) wae(re)n oft ge/ noempt oft bedacht mochte(n) wordde(n) mitds de(n) welke(n) die voirscr(even) b(er)tho(lome)[eus]/ oft jan wile(n) madea sijn brueder aen ja(n)ne madea zone wile(n) blasii voirscr(even)/ oft sijne(n) zone voirscr(even) hoe(re)n oire(n) [erfgename(n)] oft nacomeli(n)ge(n) gehoude(n) mochte(n) sijn in eniger/ manieren tot op den dach van heden En(de) wa(n)t bijde(n) voirscr(even) b(er)thol(omeeu)[se] den voirscr(even)/ janne zone wile(n) blasii van all des voirscr(even) es volcomelike(n) genoech gedaen es/ gelijck de selve jan dat in ons(er) p(rese)ncien met goeder voirgaender deliberatien oppe(n)bair/ lijck gekynt en(de) geleden heeft So eest dat die selve jan den voirscr(even) ber/ tholomeeuse ja(n)ne wile(n) madea des selfs b(er)tho(lome)[eus] brueder huer erfgename(n) en(de) naco/ melingen ende haer goede daer af heeft oppe(n)bairliken gequiteert quite
//
geroepen en(de) geheelijck gheabsolveert van all des voirscr(even) es Ende van dien/ vorwairde gemaect van nu voirt ane niet te moge(n) eyschen(e) by hem selve(n) noch/ by niema(n)t anders van enigen goeden gedeelte actie oft int(er)est die den selven/ janne madea zone wile(n) blasii en(de) blasio wile(n) sijne(n) zone voirscr(even) in oft uut den/ voirscr(even) huyse toebehoirden toebehoe(re)n oft toebehore(n) mochte(n) in enig(er) maniere(n)/ gelijck voirscr(even) steet noch oec van neghene(n) ande(re)n zaken hoedanich hoedanich/ die wae(re)n oft genoempt oft bedacht mochten wordden inde(n) welken die/ voirscr(even) jan wile(n) madea en(de) bertholomeeus [madea] voirscr(even) samelike(n) oft byzu(n)dert tot/ henw(er)t gehouden oft belanck mochte(n) sijn tot opden dach toe van heden in enig(er)/ manie(re)n wille(n)de de selve jan dat allet tghene des int welke die voirscr(even) wile(n)/ jan madea jorijs zone oft die voirscr(even) b(er)tholomeeus tot hem w(er)t oft tot sine(n) zone/ w(er)t gehouden mochte sijn dat dat onder die voirscr(even) generaliteyt vande(n) woirdde(n)/ voirscr(even) v(er)staen en(de) geacht wordde(n) in alsulker manieren oft dat van woirdde/ te woirdde int speciale byzundert genoempt ghespecificeert en(de) onderscheyde(n)/ wae(re) mair bekynde de selve jan madea zone wile(n) blasii voir hem en(de) blasio/ wile(n) sijne(n) zone voirscr(even) dat hij negheen recht actie noch int(er)est noch aensp(ra)ke/ en heeft noch en behoudt aen oft op den voirscr(even) wile(n) ja(n)ne jorijs zone/ noch op b(er)tholomeeuse voirscr(even) huer erfgename(n) oft nacomeli(n)ge(n) noch huer(er)/ liede goede uut causen oft ocsuyne van des voirscr(even) es niet te myn/ geloefde die voirscr(even) jan zone wile(n) blasii allet tghene des voirscr(even) es/ vaste gestentich en(de) van w(er)den te houde(n)ne voir hem selve(n) sijne(n) voirscr(even)/ zone en(de) hue(re)n erfgename(n) en(de) nacomeli(n)ge(n) tot ewigen dagen sonder daer/ jegen te doene oft te pinen te doene oft oic te gebruycken(e) tgheens/ des daer jegen gedaen mocht wordden by hem selve(n) oft bij yemant/ anders het wae(re) met rechte oft met feyte noch oic die goede des/ voirscr(even) wile(n) jans madea noch den voirscr(even) b(er)tholomeeuse madea sijn erfge/ namen oft nacomeli(n)gen nocht huer goede ne(m)mermeer aente spreke(n)ne te/ moyene oft te vexe(re)n oft in enigen rechte te trecke(n)ne voir enige(n) richte(re)/ gheestelijck oft weerlijck Geloven(de) alnoch den [die] voirscr(even) jan madea den/ voirscr(even) b(er)tholomeeuse tot sijne(n) v(er)suecke van des voirscr(even) es altijt genoech/ te doene in gevalle oft hij met tghene des voirscr(even) es yet myn dan/ genoech gedaen hadde also dat den selve b(er)tholomeeuse sijnen oiren ende/ erfgename(n) tot ewigen dagen vast en(de) zeker sal moge(n) wesen en(de) voir/ den voirscr(even) wijle(n) blasio sijne(n) zone den voirscr(even) b(er)tho(lomeeu)[se] jegen ene(n) yegelike(n)/ recht warant te sijne Datum decembr(is) xvii/