It(em) henrick vande(n) hoege(n)huys gehete(n) geldens na(tuer)lic en(de) willem/ van ghelme(n) slachmolde(re) in jegewoirdicheide(n) d(er) scepen(en) van/ loeven(en) gestaen sijn met malcand(ere)n ov(er)comen ende eens/ wordde(n) voir hun hue(re)n erfgename(n) en(de) naecomelinghen/ de erfg erfvoirwerde(n) en(de) gelufte(n) h(ier)nae bescreve(n) alse/ van hund(er) beyd(er) huysinghe(n) en(de) hove(n) neve(n) een geleghe(n)/ deen aen dande(re) in de dorpstrate tusschen doude hofstad/ in deen zijde en(de) de goede d(er) weduwe(n) vande(n) hoevelde/ Te weten(e) inde(n) iersten dat den muer benede(n) steyne(n) en(de) boven/ leemen diene(n)de aen hund(er) beyd(er) huysinghe(n) hun beyde(n) toebehoe(re)n/ sal en(de) dat een yegelijc van hen dien muer elc op tsijne/ houde(n) sall in goede(n) state staende sond(er) dien te laten vervalle(n)/ erflijc en(de) e(m)mermeer It(em) dat den hoff vande(n) huyse des voirs(creven)/ henrix hem strecken sall vande(n) stijle vande(n) voirs(creven) muere/ oft wande lijne recht opwerd(er) effen gelijx tot aende goede/ der voirscr(even) weduwe(n) vande(n) hoevelde gelijc den paell van/ twee steene(n) ald(aer) staende dat claerlijken uutwijst erflijc/en(de) e(m)mermeer teuwighe(n) daghe(n) en(de) dat de voirs(creven) willem tussche(n)/ dit en(de) halffm(er)the naestcomen(de) d(aer) op eene(n) doode(n) vrede sal doen/ maken en(de) dien op sijne(n) cost erflijc en(de) e(m)mermeer teuwighe(n)/ daghen wael en(de) loflijc houden It(em) vande(n) watervalle dat/ vallende compt vande(n) huysinghe(n) des voirscr(even) willems en(de)/ dat nu tegewoirdichlijc valt op derve des voirscr(even) wille(m)s/ henrix en(de) daer duer lijdt soe is bevoirweert en(de) heeft/ geloeft de voirscr(even) willem dien watervall van nu voirtane/ erflijc te leyden(e) op sijn erve alsoe dat de goede des/ voirscr(even) henrix d(aer) bij egheen scade en hebbe nocht en/ lijde en(de) dat hij de gote d(aer) inne dat water [valle(n) sall] op sijn erve/ sal doen maken en(de) legghen tusschen dit en(de) sinte jans/ misse naestcomen(de) Gelovende de voirscr(even) p(ar)tijen vast/ de voirscr(even) voirw(er)den voir hun hue(re)n erfgename(n) en(de) nae/ comelinghen vast gestentich en(de) van weerde(n) te houde(n) alsoe/ dat hun hue(re)n erfgename(n) en(de) naecomelinghe(n) erflijc en(de) e(m)merm(eer)/ vast en(de) zeker sijn moghe cor(am) vynck meersb(er)ghe febr(uarii) xi/