Item tvonnisse tusschen janne de vineaultmo(n)t vorste(r) va(n)/ ha(n)nuyt in deen zijde ende ja(n)ne morial in dande(r) zijde alse/ van zeke(re)n vroentcoste(n) die de selve ja(n) morial in sijnen p(er)soen/ ende oec sijn peert gedaen souden hebben inder vroente(n) des vors(creven)/ jans de vineaulmont en(de) oec van iiii oft v dossine(n) spelte(n)/ die de selve jan morial den vors(creven) ja(n)ne de vinealmo(n)t toe/ geseet soude hebben en(de) oec geloeft soude hebbe(n) de vors(creven)/ vroentcoste(n) te betale(n) gelijc de selve jan de vinealmo(n)t dat/ boet te thoenen Ende want de selve jan de vinealmo(n)t/ tsine(n) thoenisse gewesen sijnde en(de) dach d(aer) toe hebbende/ met rechte ten selve(n) dage niet come(n) en is noch thoenisse/ geleidt en heeft soe hebbe(n) de h(ere)n scepen(en) va(n) loeven(e)/ t(er) manisse(n) smeyers gewijst voe(r) een vo(n)nisse dat de vors(creven)/ jan morial vand(er) aensprake(n) ongehoude(n) sijn sal cor(am)/ roelofs abs(oloens) opp(endorp) velde prijke(re) no(vem)[br(is)] xix