It(em) joha(n)nes de tsorrenberghe de jonghe sone wilen jans/ vanden lesten bedde in p(rese)nc(ia) heeft gekint en(de) gelijt ierst inde(n)/ name van hem selve(n) dat hij gehave(n) en(de) ontf(angen) heeft van he(n)r(icke)/ van oppeem viii rijd(er)s d(er) mu(n)ten ons gened(ichs) h(ere)n dat hij oec/ ontf(angen) heeft inde(n) name en(de) va(n) weghen lijsbetthe(n) sijns wijfs/ vande(n) selve(n) henr(ick)[e] va(n) oppeem i ranssche i festeine(n) koers/ en(de) eene(n) hoedoeck welke viii rijd(er)s hem selve(n) en(de) welke/ ande(r) haeflike goede lijsbetthen sinen wijve gelaten ende/ gegeve(n) wae(re)n bij testame(n)te va(n) lijsbetthe(n) wile(n) va(n) tsorre(n)/ berghe werdi(n)ne was des vors(creven) henrix va(n) oppeem scelden(de) [Beke(n)nen(de)]/ d(aer) o(m)me hem bide(n) selve(n) henricke van alle(n) den vorscr(even)/ testame(n)te volcomelic genoech gesciet te sijne den/ selven henr(icke) d(aer) af volcomelic quijtscelden(de) ende gelo/ vende hem sijn goede noch de erfgename(n) d(er) vors(creven) wile(n)/ lijsbetthe(n) noch huer goede d(aer) af ne(m)m(er)meer aentespreke(n)/ te moeye(n) noch te vexe(re)n in geend(er) manie(re)n bij hem selve(n)/ noch bij nyeman(de) and(er)s in egeene(n) rechte (et)c(etera) m(aer) de(n) selve(n)/ henr(icke) d(aer) af tege(n) eene(n) iegelike(n) recht war(ant) te sijne cor(am)/ abs(oloens) opp(endorp) ja(nua)[rii] s(ecund)[a]