Nae dien dat de vriende reyneers vanden/ hoevelde soens wilen reyneers ter eenre en(de)/ magriete weduwe henrix wilen colne t(er) ande(re)/ comen sijn voir den raide vander stad ald(aer)/ de selve vriende reyneers voirs(creven) meynden dat/ de voirg(enoemde) magriete verdoelt wae(r) met eene(n)/ scepen(en) brieve sprekende van viii rijd(er)s lijftochte(n)/ te live magriete(n) voirs(creven) en(de) magriete(n) hue(re)r/ docht(er) gedateert int jair ons hee(re)n m cccc/ xlix xiii dage in septembri welke lijftocht/ de voirscreven reyne(r) vande(n) hoevelde bekint/ soude hebben sculdich te sijne gemerct dat/ acht(er)volgen(de) den statute(n) vand(er) stad gemaect/ ter remedien van dien dat goed(er) liede(n) kinde(re)/ ond(er) hae(r) xxv jair sijnde huers goets niet/ en souden worden beroeft de voirs(creven) reyne(r)/ ten versueke sijnre vrienden oppenbarlike(n)/ uutgeroepen es hem niet te borgen(e) oft and(er)sins/ te geloeve(n) gelijc tselve statuyt inne heeft/ ende dat dat selve uutroepen geschiet/ es inden jae(re) van xlvii ende de voirs(creven)/ brieve bijde(n) voirs(creven) reyne(re)n nae den selven/ uutroepen te weten(e) inde(n) jae(re) van xlix/ verleden en(de) verkint sijn Soe meyne(n) de selve/ vriende dat reyne(r) ongehoude(n) sal sijn/ van de voirs(creven) scepen(en) brieve(n) te voldoene/ ende datmen der selver weduwe(n) d(aer)af/ gheen executie van rechte doen en sal noch/ laten geschien Dair af de voirscreven weduwe/ de cont(ra)rie meynde mids alrehande reden(en)/ / die sij d(aer)toe allegeerde ende nae dien/ dat de stad bevonden heeft duytroepen/ vand(en) voirs(creven) reyne(re)n geschiet sijnde inden/ jae(re) van xlvii en(de) de voirs(creven) brieve bekint/ dair nae inden jae(re) van xlix Soe es get(er)/ mineert dat de selve reyne(r) ongehoude(n)/ sal sijn vande(n) selve(n) brieve(n) te voldoene het/ en wae(re) dat de selve weduwe tot eene(n)/ seke(re)n dage die haer d(aer)toe geliefde te nemen(e)/ bethoene(n) coste dat de voirs(creven) ke(n)nisse ge/ schiet wae(r) nae dat de voirs(creven) reyne(r) xxv/ jair oudt wae(r) en(de) huer dese t(er)mi(n)acie/ uutgesproken sijnde es sij wech gegaen/ sond(er) dach tot dier proeve(n) te nemene/ Actu(m) cor(am) witte f(ilius) q(uon)d(am) fran(conis) substituto burg(imagistro)/ dyeve(n) burg(i)m(a)g(ist)ro (et) aliis de (con)silio januarii/ tercia