Item den vors(creven) schoutbrief es bekint te deser meyni(n)ghe(n) dat hem de/ voirs(creven) andries sal doen leide(n) totten erfliken goeden der voirs(creven)/ p(er)soene(n) om uut crachte vanden selve(n) beleide gegoet te worde(n)/ vii dachmael lants oft dair omtrint en(de) niet meer geleghe(n)/ inde p(ro)chie van rode bij cortelke den voirs(creven) goerde ende/ sijnen kinde(re)n voirs(creven) toebehoiren(de) Behoudelic dien dat/ de penni(n)ghe comen(de) vanden vercoepe d(er) voirs(creven) goeden/ weder om aengeleet sullen moeten worden aen andere/ erflike renten ten orbere en(de) p(ro)fijte d(er) selver kinderen bij/ alsoe dat de voirs(creven) goert inde renten diemen d(aer) mede/ copen oft vercrighen sall sijne tocht behouden sall/ sijne(n) leefdach lang due(re)nde ende niet voerde(re) cor(am) eisd(em)