It(em) de vors(creven) henric taingisaert en(de) jan mascia(n)ne/ die nae den rechte der stat van loeven(e) comen ende/ beleit sijn tot allen den goeden have en(de) erve m(ar)grieten van/ taingisaert weduwe collarts wijlen quattie soulx docht(er)/ des vors(creven) henrix in p(rese)nc(ia) hebben gekint en(de) gelijt uut/ crachte vanden selven hue(re)n beleide dat alsulke(n) v(er)coepe(n)/ als de vors(creven) gilbaert le veaul gedaen heeft va(n) allen/ alsulke(n) haeflike(n) goeden gebleve(n) nae de doot jans wile(n)/ quattie soulx en(de) wijle(n) m(ar)grieten sijns wijfs dat dien/ coep gesciet is bij wille en(de) (con)sente der vors(creven) m(ar)g(riete)/ / van taingisaert En(de) kennen dat sij uut machte vande(n)/ selve(n) beleide ontfangen en(de) gehaven hebben t(er)dendeel/ vande(n) gelde dat vander selv(er) v(er)cochter haven comen is/ en(de) dat hen mids desen voldaen en(de) volschiet is allet/ tgene d(aer) inne de vors(creven) gilbeert ten vors(creven) wile(n) collarde en(de)/ m(ar)grieten sijnen wijve enichsins gehouden sijn mocht/ va(n) wat saken dat wae(re) tot op desen dach toe den/ selve(n) gilbeerte voertmeer quijtscelden(de) van alle(n) actie(n) (con)dicie(n)/ vurwerden geluften [en(de)] su(m)men va(n) pe(n)ni(n)gen d(aer) inne hij/ te henwert gehoude(n) sijn mach p(ro)mitt(ens) (et)c(etera) cor(am) eisd(em)