It(em) tvonnisse tusschen h(ere)n janne vand(er) mee(re)n ridde(r) en(de) hee(r) van/ zave(n)then alse volcomelijc gemachticht inde(n) name en(de) van weghe(n)/ des ghemeyns dorps van zave(n)then in deen zijde en(de) daneele van/ nypesele die met scepen(en) brieve(n) van loeven(e) stect in alle de goede/ die wa(re)n daneels wijle(n) de briede(re) van zave(n)then Inde(n) iersten van/ huyse en(de) hove houden(de) v dachmale(n) geleghe(n) te zave(n)then tussche(n)/ daneele de vadde(re) en(de) henrix de cuyp(er)e It(em) van vii dachmale(n)/ lants geleghe(n) in twee stucken inde selve prochie tussche(n) de goede/ m(ijns) h(ere)n van camerijck en(de) de goede h(ere)n jans voirs(creven) op welke goede/ de voirs(creven) h(er) jan mette(n) hofrechte inde banck van zave(n)then gep(ro)cedert/ hadde voe(r) xiii hollansche gulden(en) d(aer)mede de voirs(creven) goede/ belast wa(re)n om die bijden voirg(enoemde) vande(n) dorpe bekeert te/ wordde(n) in iii erfmissen de welke gecelibereert te wordden/ ind(er) kercken van zaventhen D(aer)aff de voirs(creven) daneel de (contra)rie/ meynde seggende al weert soe dat de voirs(creven) goede mette(n)/ voirs(creven) missen e(n)nichsins belast mochte(n) sijn soe stonde nochtan/ dbesoech van dien inde besitters vande(n) gronde d(er) voirg(eruerde)/ / goeden o(m)me die missen te doen doene met sulken prijse als sij/ ten naeste(n) met yemande soude(n) moghe(n) ov(er)comen en(de) alsoe en/ soude tvoirg(eruerde) goet niet puerlijc gehoude(n) sijn inde betalinghe/ vande(n) voirg(eruerde) xiii guld(en) hollansche gelijc daenlegghers/ voir hen neme(n) gelijc dat hij oeck hoepte dat wael blijke(n)/ soude uute(n) testamente(n) d(aer)aff die d(aer)aff sijn op dat die voir/ oeghen quamen Es gewijst met desen woerde(n) dat de h(ere)n/ scepen(en) de p(ar)tije(n) sette(n) inde(n) hoff d(aer) de goede hove(n) voert/ recht te gheve(n) en(de) te neme(n) en(de) heeft yemant yet te/ volghen met testame(n)ten dat hij dat doen mach t(er) plaetsen/ d(aer) dat behoert cor(am) o(mn)ib[(us)] scabinis in pleno scampno augusti/ t(erci)[a]