Het sijn comen in rechte voe(r) meye(r) ende scepen(en) van lov(en)/ in de banc ald(aer) meest(er) boudewijn van zierixzee docteur/ in decreten als geleit totten goeden meester jans stockel/ pot docteur in medicinen ende cureet vander p(ro)chie/ kerken van sinte jacops te loeven(e) op de biest in deen/ zijde ende gheert vanden berghe die desgelijx geleit/ is totten goeden des selfs meest(er) jans stockelpot in dande(r)/ zijde voere gebrec van betalingen van xx peet(er)s/ lijfpensien ten live h(ere)n roelofs nijs verschenen te/ twee t(er)mijnen te weten te sint peet(er)s daghe vincula/ de x d(aer) aff en(de) dand(er) x te ald(er) heiligemisse beide/ lest leden voirleden alse van allen den goeden des vors(creven)/ meest(er) jans stockelpots bynnen loeven(e) en(de) d(aer) buyten/ geleg(en) welke goede de vors(creven) gheert meynde dat/ hem die volgen souden niet wederstaen(de) den beleide/ des voirs(creven) meesters boudewijns Behoudelic dat de selve/ meest(er) boudewijn ierst want hij voe(r) geleit ware/ soude moegen aftrecken tgene des hij ten heiligen/ dorste houden dat hem meest(er) jan stockelpot buyten/ sinen brieven vors(creven) wetteliken sculdich wae(r) oft dat/ hij voe(r) hem stonde nae d(er) ordinacien vander stat gemerct/ dat hij die goede nae der selv(er) ordinancie(n) niet [voirder] bescudde(n)/ en soude moegen want de vors(creven) meest(er) jan priest(er)/ wae(r) en(de) alsoe voir vluchtich geacht Dwelc hem de/ selve geert voe(r) alle vo(n)nissen ov(er)gaff en(de) p(rese)nteerde/ te laten volgen d(aer) af de vors(creven) meest(er) boudewijn/ de (contra)rie meynde en(de) dat hij niet gehouden en soude/ sijn den vors(creven) eed te doene gemerct dat de vors(creven)/ meest(er) jan in sinen p(er)soen niet vluchtich en/ ware ende alsoe mocht de vors(creven) gheert wel/ volghen metten vors(creven) sinen scepen(en) brieven aenden/ p(er)soen des vors(creven) meest(er) jans m(aer) de vors(creven) goede die/ den vors(creven) meest(er) boud(ewijn)[e] voe(r) den beleide des vors(creven)/ gheerts aengewesen wae(re)n die wae(re)n hem en(de) sinen/ / beleide sculdich te volgene ende nyema(n)de anders Soe/ dat nae desen de he(re)n de scepenen gemaent vanden/ meye(r) gewijst hebben voir een vo(n)nisse nae aensp(ra)ke/ en(de) verantwerden datmen den vors(creven) gheerde vanden/ vors(creven) goeden houden sal in sinen beleide op dov(er)geven/ en(de) p(rese)nteren dat hij meest(er) boud(ewijn)[e] ov(er)gegeven en(de) gep(re)/ senteert heeft cor(am) roelofs velde prijke(re) m(er)sels/ no(vem)[br(is)] xiiii