Item gielijs van udekem die gheleidt is totden goeden qui(n)te(n)s/ he(re)njacops gehete(n) van bealandene(n) t(er) eenre en(de) de selve qui(n)te(n)/ met jouffr(ouwe) g(er)truydt van hafsoyt sijnre huysvrouwe(n) in/ dandere in p(rese)n(cia) hebben ghekint en(de) gelijdt dat sij bij/ middele en(de) tusschen spreken van vriende(n) in beyden zijden/ overcome(n) en(de) eens worden sijn der pointe(n) en(de) vurweerden h(ier)/ onder gescreve(n) om bij hen onv(er)brekelic ond(er)houde(n) en(de) voldaen/ te wordene Inden yersten te weten(e) dat alsulke(n) xxvii(½)/ rijders erflike rinten alsse die hie(r) van berghen met sijnen/ borghe(n) sculdich es dair inne de vors(creven) jouffr(ouwe) g(er)truydt huer/ heffen heeft alsoe langhe als sij leeft ende desgelijcx alsulke(n)/ x mudde core(n)s als jan van beert sone d(er) vors(creven) jouffr(ouwe) d(er)/ selver jouffr(ouwe) tot hue(re)n live sculdich is dat die betalinge/ van desen xxvii(½) rijd(er)s en(de) x mudde core(n)s sal come(n) ende/ ontfanghen worden opden wissel te loven(e) sonder den voirs(creven)/ gielijse als geleidt en(de) oic qui(n)tene en(de) sijnre huysvrouwe(n)/ d(aer)inne enich bewint te hebbene M(air) machiel absoloens/ sander van oerbeke en(de) jorijs van udekem zulle(n) tvors(creven) gelt en(de)/ tcoren te henwerts trecken en(de) dat bekeren in afquitinghen/ vander lijftochte(n) die de voirs(creven) qui(n)ten tot den daghe toe van/ heden sculdich mach wesen het sij lijftochte d(aer) voe(r) de vors(creven)/ gielijs als sijn borghe v(er)obligeert is oft ande(r) d(aer)voe(r) gielijs/ niet v(er)obligeert is en is Te weten(e) alle jare ii rijders d(aer)/ aff en(de) ten yersten jae(r) ii rijders lijftochte(n) van dien iiii/ / rijders de welke de vors(creven) qui(n)ten met [oft] sijnre huysvrouwe(n)/ janne(n) van beert jairlijx sculdich sijn ende ten vervolgen(de)/ naesten jae(r) dander ii vanden selve(n) iiii rijders ende alsoe/ voert alle jae(re) mette(n) ontfanghe der xxvii(½) rijd(er)s en(de) x/ mudde corens voirscreven ii rijders lijftochte(n) af te leggen tot dat/ de lijftochte die qui(n)ten oft sijn huysvrouwe div(er)sen p(er)sone(n)/ sculdich moghe(n) sijn afgequeten en(de) gelost sall wesen Ende/ om tghene des vors(creven) es alsoe te volschieden en(de) gedaen/ te worden(e) soe sulle(n) de brieve vanden xxvii(½) rijders/ en(de) x mudde core(n)s ligge(n) en(de) blive(n) onder scepen(en) van loven(e)/ om bijden ghenen die trecht d(aer) inne heeft d(aer)mede de/ vors(creven) betalinge met rechte te volghen en(de) te doen geschien/ gelijc vors(creven) es Item desgelijx sall dbeleit mett(er) recognicie(n)/ des vors(creven) gielijs blive(n) onder scepen(en) van loven(e) Te dien eynde/ oft de selve gielijs voir en(de) eer de vors(creven) lijftocht afgequete(n)/ soude(n) mogen sijn enighe scade gebreke oft prame hadde/ dat hij hem dan metten selve(n) beleide soude moghen/ behulpen o(m)me alsulken scade gebrec en(de) prame gericht/ en(de) afgedaen te hebben(e) ende alsulken lijftochte/ en(de) ande(r) sculden d(aer) inne de selve gielijs borghe wesen/ mach oft die men hem wittelic sculdich es afgequete(n)/ en(de) betaelt en(de) den selve(n) gielijse van allen schaden/ en(de) gebreke gelost sijnde soe salmen tselve beleidt mette(n)/ schoutbrieve den voirs(creven) gehuyssche(n) overgeve(n) ende/ laten volgen sonder des vors(creven) gielijs oft yemants/ anders wedersegghen cor(am) kersmake(re) prijke(re) dec(embris) xxiii