Item gheert vande(n) hove [natu(r)lic] in p(rese)ncia heeft gheloeft janne(n) en(de) gorijse/ bollairts gebruede(re)n dat hij hun alsulken vierdel wijg(ar)ts als/ geleghe(n) es aenden heergrechtberch tussche(n) de goede dierix bye/ en(de) de goede henrix wegelts ten behoirleken tijde en(de) ten/ / meesten p(ro)fijte int gehele te sincken(e) [sall] en(de) int deerde te leggen(e)/ en(de) eens metten hake te graven(e) en(de) tweewerve(n) sakele(re)n en(de)/ inden selven wijg(ar)t i[m] nieuw(er) staken te steken(e) en(de) al sonder cost/ der selver gebruede(re)n Ende so wanneer de selve gebruedere/ oft ennich van hen des sondaeghs v(er)sueken zullen de(n) vors(creven)/ gheerde enich vande(n) vors(creven) werken gedaen te worden(e) dat hij/ dan d(aer) nae ind(er) selver weken dat werck doen sall En(de) oft hij/ des niet en dade soe soude(n) de selve gebruede(re)n dat werck/ moeghe(n) doen doen op cost des vors(creven) gheerts welken cost/ de selve gheert den selve(n) gebruede(re)n aut alt(e)ri geloft/ heeft te betalen t(am)q(uam) ass(ecutu)[m] It(em) heeft voirt de selve gheert/ geloeft den selve(n) wijg(ar)t te binden(e) en(de) al op te werken(e)/ behoudelic dat de vors(creven) gebruede(re)n hem den bant leve(re)n/ sulle(n) cor(am) roelofs m(er)sels octobr(is) xiiii