It(em) de vors(creven) jan hose in p(rese)nc(ia) heeft geloeft den voirscr(even)/ gielijse dat hij nyema(n)de tot negheenen plaetsen oft steden/ egeenrande schoutbrieve(n) noch beleitbrieven beliden noch/ bekennen en sall op sijn goede die hij heeft oft namaels/ vercrijgen en sal hij en sal tierst den selve(n) gielise v(er)nueght/ en(de) betaelt hebben van alle(n) scouden het sij lijfrenten oft/ ande(re) d(air) inne hij ten selven gielise wert het sij met scep(enen)/ brieven van loeven(e) oft and(er)ssins tacht(er) en(de) belanc es geheelic/ en(de) all Bekennen(de) voert de selve jan en(de) oppenbarlijc v(er)lidende/ en(de) seggende dat hij oec tot op desen dach toe [va(n) hede(n)] nyeman(de) tot/ negheenen plaetsen oft steden egeen bescudbrieve noch beleitbrieve/ op sijn goede bekint noch v(er)leden en heeft en(de) oftme(n) bevonde/ dat hijt gedaen hadde die brieve heeft hij geheelic en(de)/ all den vors(creven) gielise tot sijnd(er) manisse(n) geloeft te anichele(re)n/ en(de) te nyeute te doene sond(er) argelist welke geluften vors(creven)/ en(de) elc besund(er)t heeft de vors(creven) jan den vors(creven) gielise alsoe
//
geloeft en(de) toegeseedt h te doene volschiene op eenen/ band(uyn) van xx rijd(er)s tot behoef ons gened(ichs) h(ere)n van brab(ant)/ en(de) den vors(creven) gielijse van sijnen gebreken v(er)nueght sijnde/ met gad(er)s alle costen en(de) lasten van rechte mett(er) cost vande(n)/ beleide heeft hij geloeft den selve(n) janne den schoutbr(ieven)/ mette(n) beleide d(air) uut ged(aen) sijnde ov(er) te geve(n) sond(er) argelist/ cor(am) eisd(em)