It(em) nae dien dat franckart [remy] als momboir vand(er) kerke(n)/ va(n) sinte steevens va(n) brayn lalleut mids gebreke va(n) betali(n)ge(n)/ van v peet(er)s erfliker rinte(n) s(in) alle jae(re) s(in)[te] jansmisse vallen(de)/ en(de) verloepe(n) van ii jae(re)n begonne(n) hadde te volge(n) op zeke(re)/ goede jans pospo geleg(en) inde p(ro)chie va(n) brayne lalleut/ voe(r) de vors(creven) v peet(er)s v(er)ond(er)pant sijnde ende d(air) nae he(n)ric/ va(n) taingisart en(de) jan le fevre die geleit sijn totte(n) goede(n)/ jans de pospo dat vors(creven) p(ro)ces mette(n) brieve(n) vand(er) stat/ hadde(n) doen stille staen en(de) de banc sluyte(n) soe sijn de/ vors(creven) franckart als momboir d(er) kerke(n) vors(creven) t(er) eenre/ ende de vors(creven) jan pospo bij (con)sente en(de) wille d(er) vorg(enoemde)/ geleidd(en) t(er) ande(re) gecompareert voe(r) scep(enen) va(n) lov(en) h(ier) onder/ bescr(even) beke(n)ne(n)de dat sij va(n) die(n) vand(er) differe(n)cie(n) vors(creven)/ v(er)enicht en(de) v(er)effent sijn ind(er) manie(re)n h(ier)nae volgende Te/ wete(n) dat de vors(creven) franckart inde(n) name vander/ kerke(n) vors(creven) t(er) stont nae hem trecke(n) sall alsulke v peet(er)s/ als jan de pospo gesedt heeft in hande(n) vand(er) wet van/ brayne lalleut alsoe voe(r) de betali(n)ge vande(n) t(er)mijne va(n)/ die viel s(in)te jans(misse) lestlede(n) ende voert want de selve/ jan pospo seedt dat de jonch(e)r va(n) beersele die ande(r)/ v peet(er)s alse vande(n) acht(er)stelle betaelt soude hebbe(n) den/ mombo(r)en d(er) selv(er) kerke(n) die voertide(n) geweest sijn/ so sal de selve jan sculdich sijn dat [die betali(n)ge] met rechte te doen/ blijke(n) tussce(n) dit en(de) liechtmesse naestcomen(de) en(de) oft hij/ des hie(re)n binne(n) niet en dade blijke(n) so heeft de selve/ jan geloeft den vors(creven) franckart oft ande(re) mombo(r)en/ te(n) tide(n) sijnde de selve v peet(er)s binne(n) ii maende(n) nae/ den selve(n) liechtmisse te bet(aelen) als v(er)volghde schout/ Ende oft hij de selve v peet(er)s alsd(an) niet en betaelde/ oft oec de vors(creven) betali(n)ge voe(r) liechtmisse niet en dade/ blijke(n) so sal de vors(creven) mo(m)boir oft mombo(r)en vand(er) kerke(n)
//
in tijde(n) sijnde metten vors(creven) p(ro)cesse va(n) rechte moegen/ voert vae(re)n d(air) dat en(de) beginne(n) d(air)t nu gelate(n) is beke(n)ne(n)de/ de selve fra(nc)k(art) inde(n) name d(er) vorg(eruerde) kerke(n) hem h(ier)af bet(aelt)/ sijnde dat hem dan noch d(er) kerke(n) vors(creven) negeen acht(er)stel/ aende vors(creven) goede en blijft uutstaende Scelden(de) volco/ melic quijt den vors(creven) ja(n)ne en(de) sijn voe(r)geruerde goede/ van alle(n) acht(er)stellige(n) rinte(n) die op v(er)schene(n) mochte(n) wese(n)/ totte(n) dage toe va(n) hede(n) cor(am) opp(endorp) prijke(re) ja(nua)[rii] xvi