It(em) nae dien dat h(er) willem edelhee(re) prieste(r) gevo(n)nist hadde zeke(re)/ scepen(en) brieve op lijsbetthen van boevenrode weduwe jans wilen/ h(er)tshals hubrechte(n) katline(n) en(de) lijsbetthen huer(e) kindere alse va(n) gelufte(n)/ van warandeerscape die de vors(creven) p(er)soenen den vorg(enoemde) h(ere)n wille(m)me/ gedaen hebben vanden goeden h(ier) onder bescr(even) te wete(n) va(n) eene(n)/ huyse en(de) hove geleg(en) bide nuwe moelen inde strate geheeten/ wandelwijt It(em) van ii vleeschbancken geleg(en) int vleeschuys te/ loeven(e) in dierste regule ten p(er)deken weert It(em) van eene(n) hove/ geleg(en) op die ulake gelijc de vorg(eruerde) goede met hue(re)n/ regenoeten inde scepen(en) brieve voirgeruert gespecificeert staen/ en(de) tvo(n)nisse der scepen(en) van loeven(e) gewijst heeft datmen/ den vors(creven) p(ar)tien dach doen soude En(de) nae dat den selve(n)/ p(ar)tien dach bescheiden was ten naesten dage van rechte/ op in dijsdaghe lestleden soe hebben de selve p(ar)tien inde/ volle banc den selve dach uutgestelt tot des sat(er)daeghs/ d(aer) naestvolgen(de) te weten op heden Tot welke(n) dage/ de vors(creven) h(er) wille(m) comparerende en(de) opdoende doen blijkende/ dat boven alle(n) genoemden last d(aer) op de vors(creven) p(ar)tien hem wara(n)/ deerscap gedaen hadden noch uuten selven goeden meer uutgi(n)ge/ eenen rijder lijfpensien ten live jans leemans scoemak(er)s ende/ katlijnen sijns wijfs It(em) noch i rijder lijfpens(ien) ten live/ andries vanden poele en(de) katlinen sijnder docht(er) welke ii rid(er)s/ bider vorg(enoemde) lijsbetthen en(de) hue(re)n kinderen opde vors(creven) goede/ gesedt en(de) v(er)pant sijn Soe is t(er) manissen smeyers gewijst/ voe(r) een vo(n)nisse dat de vors(creven) lijsb(etthen) en(de) huer kinde(ren) gehouden/ sullen sijn den vors(creven) h(ere)n wille(m)me dwarscap te voldoene van/ alsoe v(er)re sij in gebreke sijn cor(am) roelofs abs(oloens) opp(endorp) velde/ prijke(re) m(er)sels febr(uarii) xiiii Sen(tentiatum) abs(oloens) m(er)sels febr(uarii) xv