Cond zij allen lieden dat jan vand(er) huelt ende lijsbeth/ sijn wijf wonen(de) te winxelle in p(rese)nc(ia) hebben genome(n) en(de)/ bekint dat sij genome(n) hebben van gielijse van cortbeke/ gehete(n) de mu(n)tere dwinhoff des selfs gielijs geleghe(n) ter/ me(re)n metten huysen hove(n) en(de) winnen(de) lande d(aer) toe behoiren(de)/ uutgenome(n) de poirte ald(aer) met hue(re)r toebehoirte(n) en(de) mette(n)/ huysken(en) staende naest t(er) poirten d(aer) inne de selve winne/ gheen recht hebben en sall Te houden(e) te hebben(e) en(de) te/ winnen(e) van half meye lestleden eene(n) t(er)mijn van xii jae(re)n/ lang due(re)nde deen nae dand(er) sond(er) middel volgen(de) elx/ jaers dae(re)n binnen o(m)me en(de) voe(r) de helicht van allen/ den vruchte(n) jairlix opde vors(creven) lande wassende die/ de voirs(creven) gielijs en(de) de winne ten behoirliken tijde halff/ en(de) halff deilen sulle(n) op de vurw(er)de en(de) (con)dicien hier/ onder bescreve(n) Inden yersten dat de voirs(creven) winne alle/ de vruchte(n) op de voirg(eruerde) lande wassen(de) wanneer die/ tijtverdich sijn sulle(n) t(er) eerden leve(re)n sall op sijne(n) cost en(de)/ alsmen dat sal vinden soe sall dat de winne den vors(creven)/ gielise condighe(n) en(de) dan sall de selve gielijs ald(aer) sinden/ eene(n) boode van sinen weghe(n) o(m)me de bande te slane den/ welken boode de voirs(creven) winne den montcost geven sall/ en(de) de voirs(creven) vruchte(n) gebonde(n) sijnde soe sall de selve wi(n)ne/ tgedeelte des vors(creven) gielijs tierst inde schue(r) vue(re)n Welc ghe/ deelte deselve gielijs op sine(n) cost sal doen uutderssche(n) en(de)/ tcoren metten crinsen d(aer) aff comen(de) en(de) oic dooft en(de) des/ and(er)ssins den selve(n) gielijse van sine(n) goede(n) behoirt sall/ de winne gehoude(n) sijn te loven(e) ten huyse des selfs gielijs/ te levereren(e) Item sall de vors(creven) winne noch hebben de(n) vors(creven)/ t(er)mijn due(re)nde de heide en(de) dbosch geleg(en) acht(er) tvors(creven) hoff/ en(de) de heide metten bog(ar)de en(de) halff doeft geleg(en) voir/ tvors(creven) hoff elx jaers dae(re)n binnen o(m)me en(de) voe(r) v gulden/ brabants lvi tornoisen en(de) vii(½) mudde evene(n) d(er) maten van/ loven(e) alle jare sinte m(er)tensmisse inde(n) wint(er) te betalen(e)/ d(aer)aff dierste betalinghe inne ghinc s(in)[te] m(er)tensmisse lestled(en)/
//
Te weten(e) de vors(creven) v peet(er)s en(de) iiii mudde(n) evene(n) d(aer)aff/ den voirs(creven) gielise en(de) de evene te loven(e) te leveren(e)/ en(de) dande(er) iii(½) mudden evene(n) en(de) lvi tornoisen den/ rintmeeste(r) tshertoghe(n) van brabant te loven(e) den vors(creven)/ t(er)mijn due(re)nde q(u)[o](libet) ass(ecutu)[m] Item sullen de voirs(creven) gielijs/

en(de) de winne van malcande(re)n moghen scheiden ten/

yersten vi jae(re)n behoudelic dat de ghene die alsoe/

scheide(n) wilt dat den ande(re)n een jair te voe(re)n cundige(n)/

moet Item es noch vurw(er)de wairt soe dat e(n)nighe/ schade geschiede inde vors(creven) lande van e(n)nighen wate(r)/ het wae(re)n grebben oft ande(r) coete dat sullen de winne/ en(de) gielijs ten geliken laste wed(er)o(m)me doen maken/ en(de) rep(ar)eren sonder argelist Item sal de vors(creven) winne/ jairlijx sijne(n) t(er)mijn due(re)nde de voirs(creven) goede wael en(de)/ loflic winnen w(er)ven(e) en(de) drive(n) op huer getideghe/ voe(re)n gelijc regenoten boven en(de) beneden Item sal de/ voirs(creven) winne jairlijx hieren binne(n) leve(re)n int voirs(creven)/ hoff xxxii mandelen wallems goet en(de) cusbair o(m)me/ de huysinghe d(aer) mede te decken(e) en(de) alsmen d(aer) dect/ ti(m)mert mest [medst] oft plect van ouden werke d(aer)aff sall de/ voirs(creven) gielijs de dachue(re)n betalen en(de) de vors(creven) wi(n)ne/ sall den wercluden den montcost geven Item allen/ den leem calc en(de) steene en(de) savel die men aldair/ behoeven sall die sall de voirs(creven) gielijs coepen m(aer) de/ vors(creven) winne sal dien halen met sinen wagene en(de)/ parde Item sal de vors(creven) winne de huysinghe vande(n)/ voirs(creven) goeden houden vand(er) ond(er)ster rikelen ned(er)w(er)t/ op sijnen cost Item sal de voirs(creven) wi(n)ne noch hebben/ den vors(creven) t(er)mijn due(re)nde de beemde gehete(n) de baerbeemde/ geleg(en) in twee stucken inde voerbeemde inde p(ro)chie/ van velthem i stuck beempts geleg(en) op die dicbrugge/ inde p(ro)chie van erps en(de) i stuck eeussels geleg(en) te/ velthem inde spechstrate Elx jaers dae(re)n binne(n) voe(r) en(de)/ o(m)me xx rinsche gulden(en) van goude goet en(de) gheve/ s(in)[te] mertensmisse inden wint(er) te betalen(e) de(n) vors(creven) t(er)mijn/
//
due(re)nde q(u)[o](libet) asse(cutu)[m d(aer)aff] dierste betalinghe van desen inne ghinc/ sinte m(er)tensmisse lestled(en) It(em) sall de vors(creven) winne op/ de voirs(creven) goede jairlix houden hondert scape en(de)/ en sall de selve win sijn beesten inde [bossche(n)] ald(aer) niet laten gaen/ ten sij dat de spruyten twee jaer out sijn Item sal de vors(creven)/ winne den wech boven en(de) beneden shoeff sijne(n) t(er)mijn/ due(re)nde op sine(n) cost houden en(de) maken alsoe datmen d(aer)/ vae(re)n en(de) gaen mach It(em) sal de vors(creven) wi(n)ne de(n) vors(creven) gielise jairlijx den/ t(er)mijn due(re)nde doen x carweye(n) m(et) sine(n) wagen(en) en(de) p(er)de(n) It(em) sal de selve/ wi(n)ne alle dmest inde messie ald(aer) sijnde driew(er)ven sjaers uutvoeren/ op tvors(creven) lant slants meesten p(ro)fijte en(de) de vors(creven) messie op dleste jaer te/ sine(n) afscheiden(e) bloot laten en(de) dat mest vue(re)n d(aer)t den vors(creven) gielise/ orb(er)lijxtt du(n)cken sall It(em) sal de vors(creven) wi(n)ne te sine(n) afscheiden(en) de vors(creven)/ la(n)de laten ind(er) manie(re)n h(ier) nae bescreve(n) Te weten(e) den wint(er)aert/ op iiii getideghe voe(re)n d(aer) aff hij besaeyt sal late(n) ii boend(er) met/ terwen en(de) dand(ere) lande van dien aerde met rogghe It(em)/ den someraert te weten(e) drie boend(er) ghersten op drie/ voe(re)n besaeyt en(de) dand(er) lande met evene(n) op twee/ getideghe voe(re)n en(de) al wel geheegt en(de) gheerrijt tot sine(n)/ besprokene(n) tijde gelijc dat behoert Item sal de vors(creven) wi(n)ne/ de voirlen vande(n) vors(creven) goede winne(n) en(de) w(er)ven alsoe die/ ghewonnen sijn en(de) de plouch gaen mach It(em) en sal/ oic de vors(creven) winne binne(n) sijne(n) t(er)mijne egheen andere/ lande mogen aenveerde(n) noch winne(n) dan de vors(creven) goede/ en(de) die hij op heden houden(de) es sonder consent des/ voirs(creven) gielijs Item en sal oic de vors(creven) winne binne(n) sinen/ lesten jae(r) van sijne(n) uutscheiden(en) de weyde geleghe(n) voe(r) tvors(creven)/ hoff en(de) acht(er) tselve hoff niet lang(er) moeghen etten noch/ slijten dan tot halff meerthe toe Item sullen de vors(creven)/ gielijs en(de) de winne van malcande(re)n moghen scheiden/ te eynde vanden yersten vi jae(re)n behoudelic dat die ghene/ die alsoe scheide(n) wilt dat den ande(re)n een jaer te voe(re)n/ cundighen sall Ende alle dese vurwerden geluften en(de)/
//
condicien bove(n) gescreve(n) hebben geloeft de vors(creven) gielijs/ in deen zijde en(de) de winne in dand(er) deen den ande(re)n wael/ en(de) volcomelic te voldoene en(de) tond(er) houden(e) talle(n) tijde(n) en(de) t(er)mijne(n)/ als die vallen sulle(n) en(de) v(er)schine(n) en(de) telken t(er)mijne als v(er)volghde/ schout cor(am) jasp(ar) abs(oloens) lint(re) no(vem)b[r(is)] xxiiii