SAL8126, Act: R°64.2 (65 of 454)
Search Act
previous | next
Act R°64.2  
Act
Date: 1455-09-23

Transcription

2019-03-21 by Marika Ceunen
It(em) tvorsc(reven) recepit sal blive(n) liggende ond(er) scepen(en) va(n) loeven(en)/
tot behoef des vors(creven) peet(er)s vander hoeven en(de) peet(er)s kanse/
die testame(n)toers sijn des vors(creven) wile(n) stevens momboers ende/
toesienders der vors(creven) sijnre drie kind(ere)n o(m)me de vors(creven) rinte(n)/
te heffene en(de) te buere(n) niet wederstaen(de) den inhouden oft/
tenue(r) des recepit vors(creven) en(de) die t(er)tocht d(er) vors(creven) moed(er) te beke(re)n/
en(de) voert ten meeste(n) p(ro)fite d(er) kind(ere)n vors(creven) en(de) oec tot dien/
eynde oft enige rinte(n) afgequete(n) worde(n) dat sij die pe(n)ni(n)ge/
sulle(n) hebbe(n) en(de) bue(re)n en(de) die wed(er) om beke(re)n ten meesten/
p(ro)fijte vanden kind(ere)n vors(creven) Behoud(elic) d(er) moed(er) d(aer) inne huer/
tocht alsoe dicke en(de) menichwerve(n) de quiti(n)ge gebue(re)n sal/
en(de) oft sij soude met rechte de betalinge va(n) desen rinte(n)/
te volgen niet betaelt en mochte(n) worden indie(n) gevalle/
hebbe(n) geloeft de vors(creven) gehuysschen alsoe v(er)re alst hen aengaet/
hant en(de) mont te leenen ende versueck en(de) vervolgh/
met rechte t(er) manisse(n) vanden selve(n) momboe(re)n te doene alsulc/
als hen behoeve(n) sal o(m)me te come(n) tott(er) betalinge(n) vanden/
rinte(n) vors(creven) En(de) dit sal dueren tott(er) tijt toe dat de/
vors(creven) kinde(re) alle tot hue(re)n mondige(n) dage(n) come(n) sullen sijn/
cor(am) eisd(em)
Contributorskristiaan magnus
Moderated bykristiaan magnus
Last update: 2018-04-20 by The Administrator