It(em) tvonnisse tusschen joese van oerbeke t(er) eenre en(de) ja(n)nen/ uute(n) hove geheten zeedele(re) den jonghe(n) in dande(re) alsse van iiii(½)/ capune(n) en(de) iiii oude gr(oten) erflic en(de) leenchijs die de voirs(creven) joes/ eisschen(de) was op iii vierdel lants luttel min oft meer des vors(creven)/ jans zeedele(re) geleghe(n) buyte(n) de buyte(n) vesten tussche(n) de dorpstrate/ poirte en(de) de hoelstrate poirte t(er) plaetsen geheg(en) gehete(n) op de/ hoeve tussche(n) de goede h(er) jans wilen vanden huffle ridders/ aen deen zijde en(de) de goede machiels bras t(er) ande(r) zijde(n) comen(de)/ metten eene(n) eynde tot aende goede jans wonde(r)[te(n)] hove borg(er) en(de)/ gielijs vande(n) velde en(de) metten ande(re)n ynde aende goede der/ wittevrouwe(n) van loven(e) Mids dien dat de selve joes d(aer) inne/ ghevesticht was bij henr(icke) van breedzijp en(de) de selve henric van/ breedzijp dien chijs d(aer) te voe(re)n nae doot wilen machiels sijns/ vaders als outste brued(er) in leensche(n) rechte ontf(angen) hadde aen lonijse/ van udekem als he(re) vanden leene Ende aldus ware trecht vand(en)/ voirge(ruerde) chijse bij opdrachte des voirg(enoemde) henr(icx) come(n) opden voirs(creven)/ joese gelijc hij dat boet te thoene(n) met brieve(n) d(aer) aff gemaect/ Dair op de voirs(creven) jan andwerde seggen(de) al mocht joes/ gued(inge) hebben vand(en) voirs(creven) henr(icke) van breedzijp so en ware/ die van eghene(n) rechte gemerct dat de voirs(creven) wilen machiel/ vader der voirg(enoemde) ghebruede(re) den voirg(eruerde) chijs inde(n) jae(re) van / xxxvii v(er)creech en(de) afquijte vande(n) voirg(eruerde) goeden en(de) ten/ tijden van dien v(er)crigen(en) hij den gront van die(n) selve(n) goeden/ besitten(de) was Ende naer recht es den selve(n) chijs in hem/ selven v(er)smolten gelijc de selve jan dat boet te thoene(n)/ met goeder waerheit hem diene(n)de inden rechte Item
//
de vors(creven) joes en sal oic niet conne(n) gethoene(n) dat hij oft sijn/ v(er)coep(er)e sint d(er) quiti(n)gen en(de) afcoepe bide(n) vors(creven) wile(n) machiele/ vanden voirg(eruerde) chijse ged(aen) in enig(er) heffingen oft possessien/ heeft geweest hopende dit gethoent sijnde vand(er) aensprake(n)/ ongehoude(n) te sijne ov(er)gheven(de) nochta(n) en(de) p(rese)ntere(n)de oft de/ vors(creven) joes gethoene(n) can dat hij [oft sijn voirseten] sindt der quiti(n)gen ende/ afcoepe vors(creven) possessie [hebben oft] heeft gehadt en(de) dan voert sijn/ behoudt doet nae recht so dat behoirt dat hij hem dat/ ged(aen) sijnde den vors(creven) chijs vredelic sal laten volghen/ Ende nae dien dat de vors(creven) jan tot sijne(n) thoenisse gewese(n)/ sijnde volcomelic gethoent heeft de v(er)smeltinge voirge/ ruert soe es vo(n)nislic gewijst so wair joes de p(rese)ntacie(n)/ van janne hem gedaen niet aen en neempt noch en voldoet/ dat jan zeedele(re) en(de) sijn goet vors(creven) vander aenspraken/ ongehoude(n) sijn sall roel(ofs) jasp(ar) abs(oloens) lint(re) meesb(er)ge dec(embris) q(ua)rta