Item de vors(creven) jan van roide jan bone en(de) wout(er) van overbeke in/ p(rese)nc(ia) hebben geloeft indivisim der vors(creven) katlijne(n) en(de) janne(n) leema(n)s/ hue(re)n brueder en(de) elken bezunder oft enich van hen drien storve oft/ aflivich worde voe(r) en(de) eer den tijt vander bewijsenissen der vors(creven)/ lijfrinten comen ware dat dan de lanxte levende van hen inde/ stadt des dooden eenen ande(re)n borghe setten sall dair voe(r) goetgenoech/ sijnde die hem dair voe(r) inder maten als voe(r) veroblige(re)n ende/ v(er)binden sall [en(de) dat alsoe dicke alst gebuerde] Et t(antu)m Ende hebben al noch geloeft de vors(creven) p(er)sone(n)/ indivisim den vors(creven) janne leemans dat sij de selve lijfpensie in/ egheend(er) manie(re)n afquiten en sullen dan bij oppenbairen consente/ des selfs jans leemans niet wederstaende dien dat de vors(creven) katlijne/ dair inne heur heffen behouden heeft want sij de principael/ penni(n)ghe uut handen des vors(creven) jans ontfanghen hebben ende/ hen dair aff genoech gedaen heeft m(air) de selve pe(n)ni(n)gen opdat sij die/ aflegghen wouden te stellene en(de) te settene opd(er) stat wissel va(n) loven(e)/ tot behoeff katlijne(n) en(de) jans vors(creven) en(de) des gheens van hen dien sij mette(n)/ rechte bevonde(n) sulle(n) worde(n) sculd(ich) sijnde te volgen(e) cor(am) eisd(em)