It(em) den vors(creven) vrancke(n) geleit sijnde sulle(n) de brieve ond(er) scep(enen)/ blive(n) liggende tot deser meyni(n)ghe(n) datme(n) nae de doot der/ leste(n) levende(n) vande(n) vors(creven) lambrechte(n) en(de) lijsbetthe(n) alle de goede/ beide have en(de) erve die de selve ii p(er)soene(n) opde(n) dach va(n) hede(n)/ als erfliede houden(de) sijn en(de) h(ier) naemaels v(e)rcrige(n) mochte(n) peisselic/ en(de) vredelic sal doen volge(n) lijskene golijs na(tur)lec docht(er) des/ vors(creven) lambrechs en(de) lijsbetthe(n) en(de) hue(re)n wettige(n) kind(ere)n in gevalle oft/ sij enige gecrege(n) tussche(n) hen gelijx te deilene sond(er) maghtelden golijs/ wettige docht(er) des vors(creven) lambrechs die hij heeft va(n) wile(n) katline(n)/ ghijsels sijne(n) wijve d(aer) inne enichsins gericht te sine geruertt/ dat de selve mechtich genoech v(er)sie(n) is mette(n) goede(n) die de vorscr(even)/ lambr(echt) huer vad(er) met wile(n) hue(re)r moed(er) in volle(n) stoele besitte(n)de was/ Behoud(elic) oft de selve lijske(n) sterft sond(er) wettige gebuerte dat/ da(n) nae huer doot alle de selve goede gae(n) [valle(n)] sulle(n) te wete(n) half/ t(er) zijde(n) den erfg(enamen) des vors(creven) lambrechs en(de) half den erfg(enamen) d(er) vors(creven)/ lijsbethen cor(am) eisd(em)/