It(em) want jacop marchant knape der stad van loeven(e)/ die na recht d(er) selver stad comen en(de) geleit es tot/ allen den goeden beyde have en(de) erve lijsbetten taymans wedewe/henricx [reyners] wilen vergoyen lijsbetten en(de) katlinen geheete(n) vergoeyen/ gesuste(re)n hue(re)n dochte(re)n henrix van ned(er)hem jans van bouleer/ en(de) jans claes alse ma(n)nen en(de) mombo(r)en marien johanne(n)/ ende goedelen geheeten vergoeyen hu(r)en werdinne(n) gesuste(re)n/ der voirs(creven) gesuste(re)n opden dach van heden hadde doen bescrve(n)/ verne(re)n taymans henricken sijne(n) bruede(r) goerde taymans/ bruede(r) d(er) selver gebruede(re)n tossaine robbijn en(de) katlijne(n)/ taymans sijnre werdinne(n) die hem ongebruyck deden/ aende goede hier ond(er) bescr(iven) Ierst aen iii(½) dach(mael) lants/ geleg(en) inde p(ro)chie van ov(er)ijssche naest den goeden vand(er)/ deect It(em) aen i(½) dach(mael) lants geleg(en) inde selve p(ro)chie/ naest den goede vanden bisdo(m)me It(em) aen iii dach(mael) lants/ geleg(en) opde hoeve aende strate gaende t(er) rosie(re)n w(er)t It(em) aen/ ii dach(mael) lants inde selve p(ro)che geleg(en) naest den goeden/ gheerts vanden feyte It(em) aen ii dach(mael) lants geleg(en) naest/ pols bosch It(em) aen i(½) dach(mael) lants geleg(en) opt rosier velt/ naest den goeden der ereven vand(er) rosie(re)n It(em) aen i(½) dach(mael)/ lants geleg(en) opt selve velt naest den goeden voirg(eruert)/ Item aen ii dach(mael) lants geleg(en) naest den goede(n) pauwel/ peeters It(em) aen i bloc lants houden(de) iii dach(mael) geleg(en) ten/ berghe naest den goeden katlinen cost(er)mans It(em) aen i(½)/ dach(mael) lantsgeleg(en) inden haect naest den goeden henrix/ vanden waeyenberghe It(em) aen i(½) dach(mael) lants geleg(en) opt/ berchvelt naest den goeden katlijne(n) poepes It(em) aen/ ii dach(mael) beempts geheete(n) perijs beempt naest den goede(n)/ der erfgenamen vanden waeyenberghe It(em) aen een eeusel
//
geheete(n) boreeussel geleg(en) ond(er) den waeyenberch/ houden(de) v dach(mael) naest neve(n) de strate gaende vand(er)/ tombeke t(er) lanen w(er)t It(em) aen i mudde rox ijsscher/ maten op huys en(de) hof toebeho(r)ende alijten matthijs/ Aldaer de selve p(er)soene niet comen en sijn den/ voirs(creven) jacoppe aldair compare(re)nde en(de) sijne(n) dach/ van rechte verwachtende Soe hebben de scepen(en) van/ loeven(e) t(er) manissen smeyers gewijst voer een/ vo(n)nisse, waer de voirs(creven) p(er)soene(n) niet en quame(n)/ ten opstane smeyers en(de) der scepen(en) datmen/ den voirg(enoempde) jacoppe vande(n) voirs(creven) goeden houde(n) sal/ in sijne(n) beleide alsoe verre alst noch voir hen comen/ es P(rese)nt(ibus) roelants smacht borch(oven) lint(re) hortbeke meersb(er)ge/ junii xvii