SAL8126, Act: V°139.1-R°140.1 (161 of 456)
Search Act
previous | next
Act V°139.1-R°140.1  
Act
Date: 1455-12-17

Transcription

2020-06-16 by Marika Ceunen
Item het sijn comen voe(r) lodewijke roeloffs als burg(er)meester/
ende eenighen vanden rade jan vand(er) monct va(n) halen van weghe(n)/
reyneers va(n) liefkensrode sijns behoude soens in deen zijde ende/
arnt vande(n) hove van diest die geleit is nae den rechte der/
stat van loeven(e) tot alle(n) den goede(n) have en(de) erve des vors(creven) reyneers/
in dande(r) zijde alse vande(n) stoete en(de) questie(n) die sij und(er)li(n)ge/
hadden van hondert mudde(n) corens goet en(de) paiabel d(er) maten/
en(de) pacht va(n) diest d(air) af de xxv mudde(n) te thiene(n) voe(r) de/
wet ald(aer) bebrieft en(de) v(er)leden sijn en(de) xxv d(aer)af bebrieft sijn/
met scepen(en) brieve(n) va(n) loven(e) welke xxv mudde(n) met scepenen/
brieve(n) va(n) loeven(e) bebrieft gevalle(n) en(de) v(er)schene(n) sijn te kersmisse/
lestlede(n) en(de) de xxv mudde(n) bebrieft voe(r) de wet va(n) thiene(n) nu/
te kersmisse valle(n) en(de) v(er)schine(n) sulle(n) En(de) de ande(re) vijftich mudde(n)/
sijn bebrieft met scepen(en) brieve(n) va(n) loeven(e) de welke vallen en(de)/
v(er)schine(n) sulle(n) va(n) kersmisse naestcomen(de) binne(n) eene(n) jae(r) dair nae/
volgende Soe es alse vande(n) ierste(n) vijftich mudde(n) core(n)s d(air)/
af de xxv nu gevalle(n) sijn en(de) d(air) af de xxv mudde(n) nu te kers(misse)/
naestcomen(de) valle(n) en(de) verschine(n) sulle(n) tussche(n) de vors(creven) p(ar)tie(n) bij ov(er)ge/
venene va(n) hen beide(n) geappoenteert dat de vors(creven) ja(n) vander/
monck voe(r) die vijftich mudde(n) corens tussche(n) nu en(de) liecht/
messe naestcom(ende) de(n) vors(creven) arnde betale(n) sal vijftich croene(n)/
elke croene gerekent voe(r) xxiii stuv(er)s Behoudelic dat hen/
te(n) afslage come(n) sal tgene desme(n) dueghdelic bevint den vors(creven)/
arnde d(air) op gehave(n) te hebbe(n) En(de) de vors(creven) jan vand(er) monct/
sal voe(r) al gehoude(n) sijn de(n) vors(creven) arnde tontheffe(n) ind(er) stat/
va(n) diest van seven mudde(n) have(re)n d(air) voe(r) hij als borghe/
des vors(creven) reyneers v(er)loeft steet en(de) oec cost en(de) co(m)m(er) va(n)/
beleide die d(air) op gegaen sijn It(em) alse vande(n) and(ere)n vijftich/
mudde(n) die va(n) kersmisse naestcomen(de) ov(er) een jair valle(n) sulle(n)/
Es gepoenteert dat de vors(creven) jan vander monct den selven/
arnde vanden hove d(air) vore geve(n) en(de) betale(n) sal ten vors(creven) liecht/
daghe vijftich rins guld(en) den gul(den) te xx stuv(er)s gerek(ent)/
En(de) oft hij die vijftich gul(den) alsd(an) niet en betaelde so sulle(n)/
de vijftich mudde(n) corens blive(n) staende o(m)me die betaelt
//
te worde(n) tot hue(re)n daghe En(de) t(er) vestich(eit) van dien sal de vorscr(even)/
arnt sijn vors(creven) beleit in handen blive(n) houden(de) o(m)me die aende/
goede des vors(creven) reyneers nae recht te v(er)hale(n) en(de) te v(er)reike(n)/
Es voert geappoenteert dat de vors(creven) arnt met sine(n) vors(creven)/
beleide so v(er)re de macht va(n) sine(n) beleide sleet den vors(creven) janne/
vander monct ter hulpe(n) sal come(n) hande en(de) mont d(aer) toe v(er)le/
ne(n)de te(n) coste des vors(creven) jans vand(er) monct o(m)me de goede der/
vors(creven) reyneers d(air) uut gegoet te worde(n) den ghene(n) diese de/
selve jan sal moege(n) v(er)coepen Behoud(elic) dat de vors(creven) arnt de/
pe(n)ni(n)ge d(air) af trecke(n) sal t(er) so(m)me(n) toe dat hij volbetaelt sal/
wesen En(de) alle dese vors(creven) pointe(n) heeft de vors(creven) jan vander/
monct in handen vanden burg(er)meest(er) geloeft te voldoene en(de)/
te volvuere(n)e in alle der maten die vorscr(even) staen me(n)s(is)/
decemb(ris) xvii
Contributorskristiaan magnus
Moderated bykristiaan magnus
Last update: 2018-04-20 by The Administrator