It(em) mids den gelufte(n) en(de) vurwerden vors(creven) so hebben geloeft de vorscr(even)/ ii gebruede(re)n als naeste maghe en(de) vriende des vors(creven) willekens va(n)/ wettighen bedde en(de) vander zweertzijde(n) op hen neme(n)de en(de) in desen/ verbande den selve(n) willeke(n)ne en(de) alle ande(re) die hen gelijc oft/ naerde(n) maghen vander selv(er) zijde(n) segge(re) mochte(n) sijnde vergeve(n) en(de)/ v(er)suent de doot des vors(creven) wile(n) willems v(er)iden vors(creven) lod(ewijck) va(n) wet(er)beke/ naturlec van live t(er) doot gebracht sijnde Beke(n)ne(n)de dat die zoeni(n)ge/ d(air) af mids des vors(creven) is volcomelic gedaen en(de) geschiet is om ge/ stentich te blive(n) tott(er) tijt dat de vors(creven) willeken tot sine(n) mo(n)dige(n)/ daghen come(n) sal sijn en(de) vandan voert tot ewige(n) daghen/ in gevalle oft de selve willeke(n) de vors(creven) d(enier) aenverde(n)de die/ zoeni(n)ge aennempt en(de) geloeft va(n) weerden te houde(n) Gelov(ende)/ de vors(creven) ii gebruede(re)n den vors(creven) lod(ewijcke) de vors(creven) zoeni(n)ghe inder/ maten vors(creven) gesciet vast en(de) gestentich te houden cor(am) eisd(em)