It(em) wij machiel van hortbeke en(de) lodewijck vanden/ meersberghe scepen(en) te loeven(en) doen cond eenen/ iegeliken dat voir ons gestaen arnt de conynck/ en(de) maghtelt sgheysers docht(er) jans de gheyse(re)/ vande(n) iersten bedde sijn huijsvrouwe t(er) eenre zijden/ ende de voirs(creven) jan de gheyse(re) vader d(er) voirscr(even)/ maghtelden van wegen lijsbetten van thienen/ sijnre huysvrouwe(n) en(de) sijne(n) kinde(re)n vanden/ tweesten bedde in dande(r) hebben de voirs(creven) arnt/ de coninc en(de) maghtelt sijn wijf oppenbairlic/ verhaelt en(de) vernuwet alsulke huwelike vor/ werde en(de) geluften als bij toedoene hue(re)r beider/ vrienden in beiden zijden gedaen bewo bevorweert/ geloeft en(de) gesloten wae(re)n ten tijde(n) als de selve/ arnt ende maghtelt sijn wijf met malcande(re)n/ vergaderden nae staet d(er) helig(er) kercken inder/ manie(re)n h(ier) nae volgen(de) Te weten(e) dat ten/ tijde vanden toegane huers huwelix huer hen/ bijde(n) voirg(enoemde) janne den gheyse(re) in huwelik(er) wo/ voirwerden toegeseeght was en(de) gegeve(n) t(er) stont/ te volgen(e) terdendeel van eenre brouca(m)me(n) geheete(n)/ den beere met allen hue(re)n toebeh(oirten) gelege(n) inde/ borchstrate tussche(n) woute(re)n vand(er) straten in deen/ zijde en(de) de goede h(ere)n jans luyx p(rie)ste(r)s in dande(r)/ Welc derdendeel de selve jan de gheyse(re) geloeft/ heeft tot eewige(n) dage(n) scadeloes te houden(e) ende/
//
tontheffen van iiii rijd(er)s lijftochte(n) ten live van/ jouff(rouwen) joesen weduwe lod(ewijx) wilen de rijke d(aer) voe(r)/ de voirsc(reven) ca(m)me mede als ond(er)pant v(er)obligeert en(de)/ verbonden mach sijn It(em) dat de selve arnt ende/ maghtelt sulle(n) staen op hue(r) v(er)sterfenisse alse vande(n)/ goede(n) die blive(n) en(de) v(er)schijne(n) sulle(n) uuter doot m(ar)gr(ieten) wed(uwe)/ goerts wilen rabode geheete(n) luyx oud(er)moed(er) d(er) voirg(enoemde)/ maghtelden sgheysers It(em) dat de voirs(creven) Jan de gheyse(re)/ tamelic verghiften soude maghtelden sijnd(er) docht(er)/ voirs(creven) in haefliken goede(n) huysrade en(de) vliegenden erve/ nae gelegentheit huers staets en(de) goed(er) gunsten des/ selfs jans Op alsulken vorwerde ende onderspreck/ dat de selve gehuyssche(n) metten voirs(creven) goede(n) als vore/ geruert staen content en(de) te vreden sullen staen ende/ bliven tot eewigen dagen sonder in e(n)nige goede(n) het/ wae(re)n erflike haeflike goede oft vliegende erve als/ acht(er) janne de gheyse(re) voirs(creven) blive(n) sulle(n) nu vercrege(n)/ oft die hij namaels vercrigen mach te moge(n) deilen/ recht oft actie te hebben(e) in e(n)nig(er) manie(re)n met e(n)nige(n)/ rechte gheestelic oft werlick Bekenne(n)de ende/ verlidende de voirs(creven) arnt de conync en(de) maghtelt/ sgheysers sijn wijf dat bij rade en(de) toedoene hue(re)r/ vrienden in beiden zijden hen de voirs(creven) goede opde/ vorwerde(n) en(de) condicien [vors(creven)] in huwelike gegeven sijn bij/ janne den gheyse(re) voirs(creven) en(de) gegeve(n) wae(re)n ten tijde/ als sij vergaderden nae staet d(er) heilig(er) kercken/ ende dat de selve gehuyssche(n) alsdan huer consent/
//
dair inne droegen en(de) noch tegewordichlic d(aer)inne/ dragen dat sij oec de selve goede dair op/ aenveert en(de) den huwelic aengegaen hebben/ geloven(de) de selve gehuijssche(n) voir hen hue(re)n/ erve(n) en(de) nacomelingen eene(n) yegeliken dien/ dat aengaet oft aengaen mochte van al/ des voirs(creven) es genoech te doene oft sij met/ des voirs(creven) es iet min dan genoech gedaen/ hadde(n) renu(n)ncie(er)nde en(de) afgaende voir hen en(de)/ voir hue(r) erfgename(n) en(de) nacomelingen alles/ rechts actien en(de) aenspraken die sij hebbe(n) oft/ hebben mochten in e(n)nige goede het wae(re)n/ in have erve oft vliegende erve die blive(n)/ oft verschijne(n) sulle(n) nae j doot jans de gheyse(re)/ voirs(creven) die hij nu heeft oft namaels vercrige(n)/ mochte kenne(n)de en(de) lidende de selve gehuyssche(n)/ want de voirs(creven) jan de gheyse(re) hen de voirs(creven)/ geluften alse vande(n) erfgoeden met goed(er) bewij/ senissen en(de) vanden haefliken goeden ende/ vliegenden erve met gereed(er) ov(er)leveringhen/ volcomelic voldaen en(de) vernueght heeft Soe/ hebben de selve gehuyssche(n) hem dair af volco/ melic gequiteert en(de) geabsolveert gelovende/ hem dair af ne(m)mermeer aen te spreken te moeyen/ noch te vexe(er)n bij hen selve(n) noch bij nyemande/ anders in negheene(n) rechte gheestelic of werlic/ in gheend(er) manie(re)n cor(am) hortbeke meersb(er)ge sept(embris) xxii