It(em) cond zij alle(n) liede(n) dat want in tijde(n) vorlede(n) eene/ zeke(re) deilinghe en(de) scheidinghe voe(r) scepen(en) va(n) bruessel gemaent/ en(de) geschiet es tusschen karele jacops sone jans wile(n) jacops/ en(de) wijle(n) joffrouwe jeha(n)ne(n) schy(m)melpe(n)ni(n)x sijns wijfs in deen/ zijde ende ja(n)ne jacops brueder des vors(creven) karels oec sone der/ vors(creven) gehuyssche(n) in dande(r) zijde alse va(n) zeke(re)n goede(n) die/ bleve(n) en(de) hen v(er)storven sijn nae en(de) vand(er) doot va(n) hue(re)n vors(creven) vad(er)/ en(de) moed(er) gelijc de scepen(en) brieve va(n) bruessell vand(er) selv(er) deili(n)ge(n)/ d(aer) op gemaect volcomelic inhoude(n) en(de) beg(ri)pen Soe eest/ dat joes ts(er)ghisels [jacobs] brued(er) der vors(creven) gebr(uederen) come(n) is voe(r) scep(enen)/ va(n) loeven(en) en(de) heeft opde selve goede alsoe v(er)re die inde/ selve deilinghe begrepe(n) en(de) genoe(m)pt stae(n) oppe(n)baerlic v(er)teghe(n)/ en(de) gerenu(n)cieert tot behoef des vors(creven) karels sijns bruedere/ Geloven(de) de selve joes de(n) vors(creven) karele sine(n) brued(er) de vors(creven)/ deilinge vast en(de) gestedich te houde(n) en(de) de(n) selve(n) karele/ d(aer) af ne(m)m(er)meer aen te spreke(n) noch te moeyen bij hem selve(n)/ noch bij nyema(n)de and(er)s in egeene(n) rechte geestelic noch weerlic/ in enig(er) manie(re)n cor(am) lint(re) meersb(er)ghe dec(embris) xxii