Item es vurw(er)de al eest soe dat de vors(creven) p(er)sone(n) den vors(creven) goerde/ de voirs(creven) schout geloeft hebben te betalene gelijc vors(creven) steet/ So eest nochtan vurw(er)de dat dien niet wederstaende de/ vors(creven) drie p(er)sone(n) ten vors(creven) valdage den vors(creven) goerde niet meer/ gelts betalen en sullen dan alsoe vele als gedraghe(n) zullen/ v mudden rox wel bereidt d(er) maten van loven(e) d(aer)aff de/ selve goert [des maen] vrij daghs voe(r) s(in)[t] jansd(ach) neestcomen(de) ende/ des maendaegs d(aer) nae tot sijne(n) schoensten neme(n) ende/ kiesen sall den hoechsten merckdach vande(n) tween dat/ selve coren tot sijne(n) diersten gegouden sall hebben int/ corenhuys te loven(e) alsoe men dat claerlic bevinden/ sal op den registe(r) d(er) stad van loeven(e) en(de) alsdan sullen/ de selve ii p(er)sonen den vors(creven) goerde betalen alsoe vele/ gelts alst tselve coren tot dien dage gegouden sal hebbe(n)/ en(de) niet meer tot v mudden toe gelijc vors(creven) steet ende/ niet meer sond(er) argelist cor(am) eisdem