Item es vurwerde en(de) ondersproken al eest soe dat de vors(creven) p(er)sone(n)/ den vors(creven) goerde den vors(creven) schout ten vorg(eruerde) valdaghe geloeft hebbe(n)/ te betalene dat dien nochtan niet wederstaen(de) de selve p(er)sonen/ den vors(creven) goerde ten vorg(eruerde) valdaghe niet meer gelts betalen en/ sullen dan soe vele als ghedraghe(n) sullen xii mudde(n) rox/ vanden besten rogge der maten van he(re)ntals te weten(e) drie/ viertelen der selver maten voir elc mudde gherekent d(aer)aff de/ selve goert des maendaegs voe(r) s(in)t jansd(aghe) bap(tis)[ten] neestcomen(de)/ en(de) des maendaegs d(aer)na tot sijne(n) schoente(n) neme(n) en(de) kiesen sall/ den hoechsten mercdach van dien tween dat tselve coren/ tot sijnen diersten geghoude(n) sall hebben te he(re)ntals opde/ merct alsoe de beckers van he(re)ntals vande(n) besten rogghe
//
hue(re)n prijs nemen sullen ende dair op backen gelijc men/ dat aldair claerlic bevinden sall Ende dan sullen de vors(creven) p(er)sone(n)/ den vorg(enoemde) goerde betalen soe vele gelts alst tselve coren te dien/ daghe geghoude(n) sall hebbe(n) en(de) niet meer tot xii mudde(n) toe/ gelijc vors(creven) steet cor(am) eisd(em)