It(em) t(er) meerd(er) vestich(eit) de(n) vors(creven) meest(er) ja(n)ne tot sine(n) scepen(en) brieve(n)/ te doene soe sijn bij hande jans boen vorst(er)s te lov(en) in sine(n)/ hande(n) gesedt de selve(n) juwele(n) h(ier) ond(er) bescr(even) Inde(n) ierste(n) i silve(re)n/ scale al v(er)gult wegen(de) xii onsse(n) i silve(re)n becke(n) al v(er)gult wegen(de)/ xii(½) onsse(n) ii croese gepuckelt beide bove(n) aende(n) boert v(er)gult we/ gen(de) beide ii viii onsse(n) Tot die(n) eynde gebuerdet de(n) selve(n)/ meest(er) ja(n)ne in toecomen(de) tijde(n) ind(er) betalinge(n) vand(er) vors(creven) lijfre(n)te(n)/ oft bewisenisse d(er) selv(er) enich gebrec te hebbene so sal hij sijn gebrec/ aende vors(creven) juwele(n) v(er)hale(n) en(de) die juwele(n) moge(n) v(er)coepe(n) voe(r) alsulk(er)/ prijs als enich goutsmet oft juwellier ind(er) stat va(n) lov(en) sal wille(n)/ geve(n) en(de) d(aer) mede gestae(n) sond(er) de vors(creven) ja(n)ne oliviers va(n)de(n) vors(creven)/ juwele(n) meer oft vord(er) v(er)antw(er)d(en) rekeni(n)ge oft restitucie te doene/ in enig(er) manie(re)n En(de) oft d(aer) ov(er) sijn gebrec iet ov(er)scoete dat/ soude hij den vors(creven) ja(n)ne wed(er)ke(re)n en(de) oft d(aer) gebreke soude hij/ mette(n) vors(creven) scepen(en) brieve(n) moge(n) v(er)hale(n) Behoud(elic) dat hij sal/ moge(n) p(ro)cede(re)n met eene(n) vande(n) tween d(aer) hem dat best/ gelieve(n) sall En(de) oft de selve meest(er) ja(n) and(er)ssins va(n) sijnder/ lijfre(n)te(n) da(n) met v(er)coepene d(er) selv(er) juwele(n) volc(omelic) v(er)nueght/ worde soe heeft hij geloeft de(n) vors(creven) ja(n)ne de vors(creven) juwele(n)/ inde(n) vors(creven) gewichte wed(er)om te leve(re)n de(n) selve(n) ja(n)ne dat/ v(er)sueken(de) en(de) bege(re)nde cor(am) eisd(em)