It(em) wout(er) kerremans sone wijle(n) arnds wonen(de) totte(n)borch in/ p(rese)ncien der scepene(n) van loeven(en) gestaen heeft genome(n) en(de) bekint/ dat hij genome(n) heeft van he(re)n goly loenijs canonc r(e)gulier des/ cloest(er)s va(n) sinte g(er)truden te loeven(en) en(de) p(er)soen d(er) kerke(n) va(n) otte(n)borch/ alle de core(n)thiende en(de) winne(n)de lande met hue(re)n toebehoirte(n) des/ vors(creven) dorps der vors(creven) p(er)soenscape van otte(n)borch vors(creven) ald(aer) toe/ behoe(re)nde Te houden en(de) te hebbe(n) va(n) s(in)[te] jans(misse) bap(is)[te(n)] naestcomen(de)/ dat sijn sal int jair xiiii[c] lvii eene(n) t(er)mijn va(n) vi jare(n) lang/ due(re)nde deen nae dander sond(er) middel volgen(de) Elx jaers dae(re)n/ binne(n) voe(r) en(de) o(m)me xxxii mudde(n) en(de) iii mol(evate) rox en(de) xxviii/ mudde(n) have(re)n elx jae greyns goet en(de) paiabel met wa(n)ne/ en(de) met vede(re)n wel bereit d(er) mate(n) van loeven(en) alsulx/ als vand(er) vors(creven) thiende(n) en(de) goede(n) jarlix come(n) sal [een voeder droech wishouts en(de) tweehondert bochtere(n) rogge(n)stroes] alle jare/ s(in)[te] and(ries) misse apostels te bet(alen) en(de) te loeven te leve(re)n den/ vors(creven) h(ere)n goly den vors(creven) t(er)mijn due(re)nde q(u)[o](libet) ass(ecutu)[m] opde/ vurwerde(n) en(de) (con)dicie(n) h(ier) onder bescr(even) Inde(n) ierste(n) dat de vors(creven)
//
wout(er) de vors(creven) goede jarlix sijne(n) tijt due(re)nde wael en(de) loflic/ wi(n)ne(n) en(de) werve(n) sal gelijc regenoete(n) bove(n) en(de) benede(n) It(em) sal En(de)/de selve wout(er) jarlix des vors(creven) h(ere)n golys scade bescudde(n) en(de) v(er)huede(n)/ va(n) sijne(n) [goede(n)] ald(aer) geleg(en) en(de) de vruchte(n) en(de) vrome(n) vande(n) selve(n) de(n)/ selve(n) h(ere)n goly voerte te stelle(n) En(de) de(n) wijn [jarlix wassende] op des selfs h(ere)n golys/ wijng(ar)t ald(aer) geleg(en) te(n) behoerlike(n) tijde(n) hem te loven(en) te leve(re)n/ sond(er) cost des selfs h(ere)n goly It(em) des sal de selve h(er)goly talle(n)/ iii jae(re)n gehoude(n) sijn de(n) vors(creven) wout(ere)n te geve(n) eene(n) oude(n) tabb(ar)t/ cor(am) vync marsels ja(nua)[rii] xvii a(nn)[o] xiiii[c] lvi[o]