It(em) want meest(er) jan van hug(ar)den prieste(re) die ov(er)mids vonnisse(n) van scepen(en)/ brieve(n) van loeven(en) come(n) ende gheleit is tot allen den goiden have en(de)/ erve gheerts vanden bog(ar)de ende jans lijcoeps beide van beckevoirt/ tot eene(n) zekere(n) daghe op heden met rechte verstreken sijnde/ hadde doen inne scrive(n) mette(n) brieve(n) der stad van loeven(en) den [vois(creven)] gheerde/ vande(n) bogaerde janne lijcoep ende henricken steenbeex die hem/ onghebruyck deden aende goiden h(ier) nae bescreve(n) Inden iersten aen/ eene(n) wage(n) met sijnder toebehoirte(n) iii bedden elc van x viere(n)deele(n)/ met hue(re)r toebehoirte(n) ii beden van viii vierendeele(n) met hue(re)r toebehoirte(n)/ iii coyen ende een leghe veede ii voudezijdelen vi wijncanne(n) ii stoope/ tynnen(en) viii eeren potte(n) getouwe tot iii peerden een duysint/ mutsaerts ii alboem blocken tstuc van ix voete(n) lanc ii groote scrijne(n)/ en(de) noch aen alreande alrehande huysraet Aldair de selve [p(er)soene(n)] niet/ come(n) en sijn den voirs(creven) meeste(re)n janne sijne(n) dach van rechte verwachten(de)/ en(de) inden rechte compare(re)nde Soe hebbe(n) de hee(re) scepen(en) van loeven(en)/ t(er) manisse(n) smeyers ghewijst voir een vonnisse wair de selve p(er)soene(n)/ niet en quame(n) ten opstane smeyers en(de) der scepen(en) datme(n) den voirs(creven)/ meestere(n) janne vande(n) voirs(creven) goiden houden sal in sijne(n) beleide/ alsoe verre alst noch voir scepen(en) come(n) is P(rese)ntib(us) witte roelofs/ beert lyemi(n)ge(n) mersels dece(m)br(is) s(e)c(un)da