Item de voirscr(even) iiii p(er)soene(n) oft e(n)nich van hen sulle(n) oft sall hem moghe(n)/ doen leyden totten goeden der voirscr(even) gehuysschen ende dat beleyd/ gedaen sijnde sall dat blive(n) ligghende ond(er) scepen(en) tot dien eynde/ en(de) meyni(n)ghen dat de geleydde gehoude(n) en(de) sculdich sall sijn d(aer) mede/ te volvuerne en(de) te exequeren(e) alsulken testament als de voirscr(even)/ henrick en(de) joffr(ouwe) katlijne sijn huysvrouwe tsamen maken selen oft de/ voirscr(even) henrick bezundert van hue(re)n goede(n) die sij tsamen opde(n) dach/ van heden besittende sijn oft oeck naemaels vercrighe(n) Al waert oeck/ soe dat de goede d(aer) aff dat henrick alleene disponeerde comen/ wa(re)n vand(er) zijde(n) joffr(ouwen) katlijne(n) voirscr(even) daer toe de selve katlijne/ huer oppenbair (con)sent gedraghen heeft Behoud(elic) dat niet wed(er)staende/ d(er) vurw(er)de(n) voirscr(even) oft de voirscr(even) gehuysschen den selve(n) scoutbrieff en(de)/ beleydbrieve opdatt(er) e(n)nich gedaen wae(re) samentlijc begherden/ te hebben datmen hen die sall ov(er)geven en(de) laten volghen Cor(am) eisd(em)