Item want jan uuter helicht sone wijle(n) jans [henrix] die ov(er)mids vo(n)nisse van/ zek(ere)n scepen(en) brieve(n) van loeven(en) comen en(de) geleyd is tot alle(n) den haef/ lijken goeden loys vand(er) balct opde(n) dach van hede(n) hadde doen inne/ scrive(n) vrancken vanden poele voe(r) meye(r) en(de) scepen(en) van loeven(en) inde/ banck ald(aer) die hem ongebruyck dede aende haeflijke goide h(ier) ond(er)/ bescreve(n) Te weten inden iersten aen iiii p(er)den eene(n) waghen .../ple plueghen twee eghden vi mattelen potten iiii tynne(n) potte(n) en(de)/ een dossijne scotele(n) iiii bedde(n) mett(er) toebehoirten een scrijne .../ dossijne(n) cussene(n) een faelgie eene(n) peerschen vrouwen rock .../ eene(n) pels en(de) aen een [drie] verken Ald(aer) de selve vrancke niet come(n)/ en is de voirs(creven) jan sijne(n) dach v(er)wachtende en(de) trecht voerts/ versuekende Soe hebben de h(ere)n scepen(en) van loeven(en) t(er) manisse(n)/ smeyers gewijst voer een vo(n)nisse dat men den selve(n) janne/ vanden voirscr(even) goeden houden sall in sijne(n) beleide alsoe v(er)re/ alst noch voir hen comen is P(rese)nt(ibus) kers(makere) opp(endorp) cokeroul sampsoen/ zande no(vem)[br(is)] xxii