It(em) de voirs(creven) wout(er) vande(n) berge in p(rese)nc(ia) heeft oppenbairlic gekint en(de)/ gelijdt tot behoef henrix mertens en(de) katlijne(n) geheete(n) vande(n) berge/ sijne(n) brued(ere)n ende suste(re)n dat [alse] vande(n) pe(n)nige(n) gecome(n) vande(n) vercoepe/ van eene(n) beempde inde prochie van rotselair geleg(en) int hamerbroec/ tussche(n) de goide geert van kelfs en(de) de goide willems van breedzijp/ die arnt van bolloe gecocht heeft ende d(aer) inne hij voir meye(r)/ en(de) scepen(en) van loeven(en) gegoit ende geerft es dat hij van dyen/ pe(n)ni(n)gen gehaven ende getoge(n) heeft de so(m)me van xxx croene(n)/ ende dat die alleene in sijne(n) orbae(re) ende profijte bekeert sijn sond(er)/ den voirs(creven) henricken merte(n)ne en(de) katlijne(n) d(aer)af yet gehadt oft/ ontfange(n) hebbende Ende heeft d(aer) o(m)me de voirs(creven) wout(er) geloeft/ ende geconsenteert den voirs(creven) sijne(n) bruede(re)n en(de) suste(re) soe wanneer de/ deylinge geschyeden sall vande(n) goide(n) die hen nae hue(re)r vader en(de)/ moeder gebleven sijn dat hij dan elken vande(n) voirs(creven) drie p(er)soene(n)/ in dyer deylinge(n) alsoe vele goits meer voe(r) uutbekynne(n) ende/ d(aer) op vertijden sall tot des selfs henrix m(er)tens en(de) katlijne(n) behoef/ als de voirs(creven) xxx croene(n) gedrage(n) oft die selve xxx croene(n) inne/ bringe(n) t(er) goid(er) meyni(n)ge(n) oi(c) sond(er) argelist cor(am) eisd(em)