It(em) es den vors(creven) schoutbrief bekint den vors(creven) goerde te des(er) meyni(n)ge(n)/ dat de selve goert hem d(aer) mede sal moge(n) behulpen o(m)me vander/ vors(creven) borchtochte(n) onthave(n) en(de) ontslage(n) te worde(n) alst hem gelieft/ en(de) oec d(aer) mede v(er)hale(n) alsulke(n) scade(n) en(de) coste(n) die hij uut(er) vorscr(even)/ borchtochte(n) sal moge(n) hebbe(n) oft lide(n) het wae(re) vande(n) pri(n)cipaele(n)/ rinte(n) oft jaerlike(n) v(er)schine(n)de(n) rinte(n) payme(n)te(n) oft ande(re) scaden/ het wae(re) va(n) vroentcoste? oft and(er)s hoedanich die wae(re) niet
//
wed(er)staen(de) die(n) dat de selve goert inden vors(creven) lijfpensie brieve/ gelijc hen v(er)obligeert en(de) v(er)bonden steet en(de) dat sij hem inden selven/ brieve niet en hebbe(n) geloeft [scadeloes] tontheffen want de vors(creven) goert/ d(aer)af egeen p(ro)fijt en heeft gehadt noch pe(n)ni(n)ge gecrege(n) gelijc sij/ dat voe(r) scepen(en) oppenbarlic bekint hebbe(n) cor(am) eisd(em)