It(em) jan geheeten letteken cramenier in p(rese)nc(ia) van vrancken van dieven als/ burgemeest(er) te loeven(en) heeft geloeft katlijnen spapen wed(uwe) peet(er)s wijle(n)/ de pape v rins guld(en) te xx stuv(er)s stuck te betalen(e) Te weten(e) alle/ weken eene(n) stuv(er) d(aer) af tot dat de geheel schult geheelic en(de) al betaelt/ sal sijn d(aer) af dierste betalinghe inne gaen sal van en sondaghe naestc(omende)/ over viii dage(n) en(de) niet eer Behoud(elic) oft de voirs(creven) jan drie weeken/ sond(er) betalen liet overlijden dat dan de geheel pe(n)ni(n)ge alsd(an) ombetaelt/ en(de) alnoch onv(er)schenen uutstaende geheelic en(de) al gevallen ende/ verschenen selen sijn Niet wed(er)staende den t(er)mijne(n) voirs(creven) En(de) heeft/ alsd(an) geloeft de voirs(creven) jan voe(r) den selve(n) burgemeeste(re) der voirs(creven) katlijne(n)/ de ombetaelde pe(n)ni(n)ge(n) t(er) stont uut te reyken(e) en(de) te betalen(e) als
//
vervolghde schout Gelovende voirts goert scauwaert die nade(n) rechte/ d(er) stad van loeven(en) comen en(de) geleit es tot allen den goiden beyde have/ en(de) erve des voirs(creven) jans d(er) voirs(creven) katlijne(n) voe(r) den voirs(creven) burgemeeste(re)/ mette(n) selve(n) beleyde egheen hind(er) oft letsel te doene aende goide/ des voirs(creven) jans soe verre de voirs(creven) schult gedraeght en(de) niet voirde(re)/ alsoe dat dat d(er) selv(er) katlijne(n) tegen d(er) betalinghen voirs(creven) p(re)judicie(re)n/ soude moeghen in enig(er) manieren Act(um) ap(ri)lis xxi