It(em) nae dien dat goert de melte(re) op heden aengesproken heeft/ ja(n)ne die smet geheeten briede(re) alse van iii mudden en(de) i sist(er)/ rox die de selve goert seide dat hem jan de smet sculdich/ wae(re) bleven vanden lesten jare vander pechtingen van zeke(re)n/ goeden te nedervelpe gelegen die hij van hem in pechtingen/ gehouden hadde versocht d(aer) o(m)me van dien betalinge oft/ bewisenisse van betalingen D(aer) op de vors(creven) jan antw(er)de seggen(de)/ dat de selve goert onlanx leden te weten xiii dagen in/ hem aengesproken heeft vanden gebreke der pechtingen/ vors(creven) d(aer) inne hij oec aengesproken heeft vanden vors(creven)/ iii mudden en(de) i sist(er) corens niet ond(er)sceiden(de) vanden lesten oft/ vanden and(ere)n vorledenen jaren m(air) int gemeine van sijnen ge/ breke der selver pechtingen D(aer) af onlanx d(aer) nae te weten/ xiii dage in januario zeke(re) vo(n)nissen geloepen sijn alsoe dat/ de selve jan mids den eede die hij doen dede en(de) d(aer) toe/ hij met vo(n)nissen gewesen was d(er) aenspraken ongehoude(n)/ bleef Meynen(de) oec mids dien van des(er) aenspraken onge/ houden te sijne soe hebben de h(ere)n scep(enen) van loeven(en) gewijst voe(r)/ een vo(n)nisse dat sij blive(n) bij alsulken vo(n)nissen als sij d(aer) af/ voertijden gewesen hebben witte beert liemi(n)gen prijke(re) m(er)sels/ col(onia) ja(nua)[rii] xviii